FC Barcelona manán Almería ohin dadeer, 4-0, iha 30.ª jornada liga española futeból, hodi provizoriamente, aumenta tan vantajen iha lideransa tabela ninian liu Real Madrid ho pontu hitu, ne’ebé hala’o jogu ohin.
Foto: QUIQUE GARCIA
Suárez e Messi
Joga iha nia uma, hamutu ho ‘blaugrana’ aliña laho figura prinsipál sira, hanesan Iniesta, Neymar ká Piqué, sira ne’e domina bola ba operasaun durante minutu 90.
Maski nune’e, ekipa uma nain la presiza haka’as aan lalais, kauze ‘naturalmente’ surje primeiru golu hosi jogu. Arjentinu Lionel Messi, halo jogu individuál ida, ne’ebé sai markadór, iha minutu 33, garante vantajen mínimu hosi Barcelona ba intervalu.
Iha segunda parte, minutu 55, uruguaiu Luis Suaréz halo 2-0, remata tanba duvida relativamente ba vensedór jogu, sei iha tan golu rua ba ekipa uma nain.
Españól Marc Bartra halo 3-0 iha minutu 75 no hafoin liu minutu tolu 90 Suárez marka bola ‘rua’, taka jogu iha 4-0.
Ho vitória ida ne’e maka, ‘Barça’ hakat ho konfortável hodi lidera liga española, ho pontu 74, provizoriamente ho vantajen hitu liu Real Madrid, ne’ebé sei joga ohin hasoru Rayo Vellecano. Ba Almeria, hetan pontu 25 iha antepenúltimu lugár tabela.
Iha jogu seluk ne’ebé remata ona, Deportivo empata iha ninia uma hodi hetan klasifikadu ikus liu Córdoba, iha jogu ne’ebé duni sai tiha portugés Luisinho iha minutu 69, tanba hetan kartaun kinur rua.
Foto: Mike Ehrmann / GETTY IMAGES NORTH AMERICA / AFP
Radamel Falcao halo servisu hosi Kolómbia
Notísia ohin loron nian iha Itália. Radamel Falcão sei asina pré-akordu ho Juventus ba tinan oin mai.
Sportmediaset fó sai katak “El Tigre” sei sosa hosi kampeaun italianu ho valór entre euro millaun 40 no 50 ba Mónaco no Tevez maka bele troka iha ema sanulu resin-ida hosi“vecchia signora”, ne’ebé sei fila hikas ba Boca Juniors iha tempu veraun oin mai ne’e.
Juventus lidera Liga Italiana ho pontu 14 hodi liu Roma no sai hanesan pasu ne’ebé luan ba tetra.
'Citizens' lakon tan dala ida iha liga ingleza no hatete adeus ba revalidasaun títulu ingles.
Foto: EPA/GERRY PENNY
Vincent Kompany hadau malu bola ho Jason Puncheon.
Manchester City horisehik dehan adeus ba posível revalidasaun títulu inglés futeból hodi lakon 2-1 iha Crystal Palace nia kampo, iha jogu ne’ebé taka ho jogu ba 31.ª jornada hosi Liga ingleza.
Derrota ida ne’ebé hasai ho kampeaun ba kuartu lugár, pontu sia hosi líder Chelsea, José Mourinho, pontu rua hosi segundu klasifikadu, Arsenal, no terseiru no rival hosi sidade hanesan, Manchester United.
Vitória Crystal Palace laiha diskusaun, haree katak sira sai hanesan ekipa ne’ebé di’ak liu iha kampo, ho esesaun hosi últimu kuartu ora ne’ebé halo tenke hakiduk no defende hasoru presaun hosi jogadór City ne’ebé buka atu halo empata.
Ekipa uma nain kria vantajen ida hosi atakante Glenn Murray, iha minutu 34, ne’ebé amplia iha jogu hahú segunda parte nian, iha minutu 48, ezekuta livre hosi Jason Puncheon.
Ekipa Manuel Pellegrini reduz iha minutu 78 liuhosi ho golu boot ida hosi kosta-marfinense Yaya Touré, no só hahú hosi ne’e maka hatudu vontade no determinasaun hodi altera akontesimentu, maibé tarde liu ona.
Jogu hitu atu remata, Chelsea mosu iha pozisaun privilejiadu hodi konkista títulu, bainhira ba nia sei falta atu kumpri jogu ida ne’ebé atrazu ho lanterna-vermella Leicester City.
Halo teste ba Ronaldo ho Coentrão horisehik Foto: SAPO Desporto
Cristiano Ronaldo ho Fábio Coentrão horisehik sai ona sukeitu ba kontrolu antidoping surpreza ida iha Real Madrid.
Vizita derepente hosi UEFA la’os halo de’it teste ba jogadór portugés na’in rua ne’e, maibé ba mós elementu merengues na’in ualu hanesan: Casillas, Varane, Khedira, Kroos, Benzema, James Rodríguez, Modric ho Odegaard.
Orgaun europeu ne’e sempre halo inspesaun surpreza ba klube prinsipál europeu nian, molok atu hakat tan ba faze hodi desidi kompetisaun prinsipál.
Tékniku red devils garante sai "ema ida ne’ebé flexível".
Van Gaal
Foto: PETER POWELL / EPA
Imajen hosi ema ida ne’ebé dura no inflexível hanesan Louis Van Gaal bele hatete lolos ninia parte. Se maka dehan katak treinadór olandés, ne’ebé garante katak la sai autoritáriu ho sira ninia jogadór.
"Ha’u ema ida ne’ebé flexível tebes. Ema sempre hanoin katak ha’u maka sai patraun ka karik ditadór ida, maibé ha’u lavale buat ida. Ha’u ema ida ne’ebé flexível tebes, maibé ha’u-nia feen lahatene ", afirma experiente tékniku olandés ba site ofisiál Manchester United.
Hosi parte seluk, Van Gaal rekuza komparasaun sira ho serbisu ne’ebé dezenvolvidu ba leme Bayern Munique ka Olanda. "Maneira oinsá serbisu iha Manchester United maka diferente oinsá ha’u serbisu iha Bayern ka iha selesaun olandeza".
