Lionel Messi ho Cristiano Ronaldo tama iha pozisaun dahuluk sira iha avaliasaun sira jogu nian, maibé iha supreza.
AFP@ Kirill Kudryavtsev
Tinan-tinan produtór sira hosi videojogu boot sira lansa sira nia títulu iha futeból, ho série sira FIFA ho PES maka disputa tronu iha preferénsia sira hosi jogadór sira.
Nune'e, la to'o fulan ida hosi lansamentu FIFA2016, EA Sports fó sai vídeo promosionál ida no pontuasaun sira hosi jogadór di'ak liu na'in 10 nebe prezente iha videojogu sira. No bainhira Ronaldo lakon prioridade nebe nia fahe ho Messi, krake portugés ne'e tama iha fatin hanesan ho jogadór futeból mundiál koñesidu seluk hanesan Suarez ho Neuer.
Relasionadu ho ranking 2015 nian "lakon ona" Ribéry no Schweinsteiger no tama iha top-10 arjentinu Kun Aguero no brazileiru Neymar. Iha fatin dahuluk, lahó supreza, kontinua nafatin arjentinu Lionel Messi.
Hanesan akontese tiha ona durante Jogu Olímpiku sira Pekin2008, kapitál xineza nian sei iha rede espesiál ida ba jornalista sira.
AFP@ Thierry Zoccolan
Xina fó sai ona iha loron-kuarta ne'e katak sei desblokeia site sira hanesan Google, Facebook, Twitter ho Youtube iha sidade Pekin hodi nune'e jornalista sira bele uza rede sosiál sira durante halo reportajen ba Kampeonatu sira Mundu Atletizmu tinan 2015 nian.
Hanesan akontese tiha ona durante Jogu Olímpiku sira Pekin2008, kapitál xineza nian sei iha rede espesiál ida ba jornalista sira, hodi nune'e jornalista sira sei la prejudikadu ho blokeiu atuál sira.
Iha tinan 2008, halo de'it desblokeiu parsiál, nune'e atleta ho jornalista sira aprezenta ona kesar balun tanba sira labele uza site balun.
Atu bele tama ba rede, tenki hakerek kódigu sira nebe sei simu iha akreditasaun pesoál hosi jornalista sira, nune'e sidadaun xinés sira sei labele tama iha rede sosiál sira.
Maski sai hanesan nasaun ida ho ‘internautas’ barak liu iha mundu, Xina hanesan mós nasaun ida nebe iha kontrolu maka'as ba konteúdu sira internet nian.
Kampeonatu sira Mundu nian, iha kapitál xinés, sei hala'o entre loron 22 no 30 fulan-Agostu.
Aduriz maka sai hanesan erói hosi Supertaca tanba marka golu haat kontra Barcelona.
Barcelona - Athletic Bilbau
Athletic Bilbao mak manan Supertaça Espanhola hodi empata 1-1 ho Barca iha Camp Nou, hafoin manan katalan iha primeira-maun ho 4-0.
Husu milagre ida nomós "Super Messi" ida hodi konsege, maibé laiha milagre nomós Messi. Jogu ne’ebé hala’o iha San Mamés, sesta-feira liu ba maka hanesan desizaun, maibé ikus mai iha jogu rua Barcelona lakon ho golu ualu.
Iha Campo Nou, ne’ebé lahó Neymar maibé ho fali Pedro, Barcelona koko atu halo eliminatória, maibé lakonsege. No bainhira pasa to’o defeza, guarda-rede Iraizos satan tiha bele ne’ebé jogadór Barca atu hatama.
Iha minutu 15 dahuluk, Barca koko atu hatama golu, maibé só konsege iha fali minute 42, liu hosi Messi.
Iha tempu daruak Athletic organiza ninia jogadór sira, hodi halo Messi lakonsege tama ba to’o iha sira-ninia área. Suárez lakonsege tama iha área sentrál no Pedro bok-aan ladi’ak.
Iha kampu klaran, Inieste ho Rakitic, menus kreatividade, hodi lahetan bola. Ekipa hosi Ernesto Valverde, halo ameasa ba Barca liu hosi kontra-atake. No Mathieu, defeza blaugrana halo erro.
Bainhira tama iha segunda parte, Kike Sola hetan kartaun kinur, tama sama Masherano. Aduriz maka hanesan erói hosi Supertaça ne’e tanba marka golu haat ba Barcelona.
Athletic manan Supertaça Espanhola ne’e ba ves daruak ona, no hit sa’e troféu ne’ebé ekipa refere duni durante tinan 31.
Klube "merengue" konfirma ona katak defeza sei asina kontratu foun iha loron-segunda ne'e.
AFP@ Yamil Lage
Defeza españól Sergio Ramos sei renova iha loron-segunda ne'e ho Real Madrid to'o tinan 2020, fó sai hosi klube Liga españól futeból nian ne'e iha nia pájina ofisiál iha Twitter.
"Ohin, iha tuku 13h30 (oras lokál), iha tribuna onra Santiago Bernabéu nian, sei asina renovasaun Sergio Ramos nian", bele le iha mensajen hosi "merengue sira", nebe akompaña ho foto ida jogadór nian, ho ‘hashtag’ #SergioRamos2020.
Sergio Ramos, ho tinan 29, sai hanesan kapitaun hafoin Iker Casillas sai hodi ba FC Porto, joga iha Real Madrid hahú hosi 2005/06, hafoin halo tiha nia formasaun iha Sevilha.
Ekipa Londrina seidauk hatene saida maka manan ba kampeonatu.
Sergio Aguero mos hatama golu ida
Manchester City horisehik joga hasoru ekipa José Mourinho, Chelsea no manan ekipa refere ho 3-0 iha segunda jornada liga ingleza, no ho ona pontu lima.
Hafoin empata “kazeiru” iha jogu dahuluk, jogadór “blues” halo esforsu atu bele manan iha jogu refere, maibé ekipa hosi Manuel Pellegrini nian maka’as liu.
City hahú jogu ho forte no iha minutu dahuluk hetan oportunidade atu marka golu ba iha baliza bósniu Begović nian, no maka troka Courtois, hodi satan tiha bola hosi Manchester City iha minutu 14 to’o 16.Maski nune’e iha minutu 31 Begović lakonsege satan bola ne’ebé Sérgio Agüero, marka hosi ekipa City.
Iha segunda parte, jogu ne’e iha balansu entre ekipa rua tanba joga de’it iha kampo klaran. Iha kontra atake, Hazard “beljia-nia ema” hosi Chelsea lakon oportunidade atu hatama golu, tanba ne’e maka iha segunda parte City maka kontinua lori.
Bainhira David Silva tebe hosi kantu, Vincent Kompany marka golu ba 2-0 iha minute 79, no hafoin liu tiha minutu 6, Fernandino marka tan ida.
Hafoin empata iha inisiu jornada, Chelsea kontinua lakon liga ingleza, ho de’it pontu ida, maibé City ho ona pontu neen, tanba ne’e maka Leicester ho Manchester United lidera iha klasifikasaun liga ingleza.
Liverpool bele tama iha grupu refere karik, ohin manan Bournemouth.
Sporting komunika, iha loron-kuarta katak halo ona akordu ho Nice ba emprésta médiu brazileiru Wallyson ba tinan ida, klube fransés ho opsaun sosa jogadór ho valór euro millaun 15.
Jogadór xilenu hetete katak Guardiola sai mós hanesan treinadór balun ne’ebé di’ak liu iha mundu.
Foto: Lusa
Arturo Vidal
Arturo Vidal, ne’ebé muda hosi Juventus ba Bayern, afirma katak motivu prinsipál maka atu muda kamizola ne’e hanesan vontade ida atu konkretiza mahi atu Liga Kampeaun.
"Kualkér jogadór mehi atu foti troféu Liga Kampeaun iha tempu ne’ebé lolos. Tanba ne’e duni maka fásil liu atu ba Bayern", jogadór afirma ba Sport Bild.
Oportunidade ne’ebé bele serbisu ho Pep Guardiola, halo mundansa iha klube.
Jornál españól AS fó sai horisehik katak Real Madrid sei renova kontratu ho Pepe to’o 2017.
Jogadór luzu-brazileiru, ne’ebé transfere hosi FC Porto ba Real Madrid iha 2007, ninia kontratu remata ona iha tinan ne’e, no sei halo renovasaun ba nia, defeza ne’e livre iha fulan-janeiru hodi bele asina ho klube seluk.
Antigu líder 'leões' mate hela iha kuatu laran ida iha resort ho kilometru 70 Luanda.
Foto: Alberto Frias / LUSA Jorge Gonçalves nu’udar prezidente Sporting iha tinan 1988 no 1989.
Jorge Gonçalves, antigu prezidente Sporting, mate horisehik.Antigu líder 'leões' ne’ebé mate hela iha kuartu ida hosi resort angolanu nian. Konforme informasaun Correio da Manhã katak, hetan nia mate tara-aan hela.
Gonçalves sai prezidente klube Alvalade iha 1988 no 1989, sai hanesan marka mediátiku ne’ebé anúnsia kontratasaun olandés Frank Rijkaard, ne’ebé nunka hatais kamizola 'verde-no-mutin'.
Koñesidu iha mundu futeból hanesan "Hasarahun boot", mate husik hela nia ona tolu no ninia mate sei hakoi iha Luanda.
