Jogadór antigu Bayern Munique hatete katak "sai transparente no diretu" hakarak joga bainhira tékniku portugés sai treinadór.
Foto: MICHAL CIZEK/ODD ANDERSEN / AFP
José Mourinho no Pep Guardiola.
Lothar Matthäus, antiga estrela Bayern Munique, hatete katak portugés José Mourinho nafatin sai hanesan treinadór di’ak liu iha mundu, maski asensaun españól Pep Guardiola hetan to’o tutun liu.
"Pep la’ós treinadór di’ak liu iha mundu. Ha’u gosta Mourinho. Nia maka sai númeru dahuluk, tanba nia transparente no diretu liu duke Guardiola. Ha’u rona tiha ona ida ne’e hodi jogadór sira katak nia treina: buat hotu nia ko’alia sai iha oin", dehan Matthäus ba Gazzetta dello Sport.
Tuir alemaun, Guardiola sei sei husik Bayern iha tinan ne’e remata no Jürgen Klopp sai kandidatu forte ba susesaun. "Nia sei sai. Hein katak to’o invernu hodi renova kontratu? Halo ida ne’e maka di’ak ka agora sai", tuir ninia previzaun. "Ha’u iha favoritu entre alemaun ba susesaun: Klopp. Iha mós kandidatu estranjeiru rua: Mourinho, maibé nia sei la sai hosi Chelsea, no Carlo Ancelotti.
Benfica horisehik sai ona hanesan vensedór futeból Guiné-Bissau hodi manan Bula 4-0, iha jornada kampeonatu ikus hosi divizaun dahuluk.
“Águias” hetan tan pontu rua liu Sporting, klasifikadu daruak, hodi manan Balantas de Mansoa ho 1-0.
Vitória ne’ebé Benfica hetan festeja iha Estádio Nacional 24 de Setembro hamutuk ho ema sira ne’ebé ba asisti jogu refere.
Hosi partisipante ne’ebé iha, inklui mós primeiru ministru Domingos Simões Pereira no figura públika seluk.
Iha inisiu kedas Benfica maka domina jogu hodi iha minutu 11 marka kedas golu dahuluk no golu refere marka hosi Sumaila Djassi, markadór di’ak hosi kampeonatu tanba hatama ona golu 27 – no marka tan golu datolu hosi enkontru ne’e.
Bula, hanesan kampeaun ba títulu, lakohi joga hasoru Banbadinca iha kinta-feira ne’e, jogu ba meia-finál Taça Guiné-Bissau nian.
Iha intervali, formasaun benfikista manan ona 3-0, maski Bula troka dala barak ninia jogadór.
Maski udan bot, maibé ekipa Benfica komemora sira-ninia vitória iha dalan Bissau nian ne’ebé infeita ho bandeira kor-mean no hakilar, no mistura ho buzinas ba iha kareta balun hodi hala’o karavana iha sentru kapitál.
