Saltar para: Posts [1], Pesquisa [2]

SAPO Desportu TL

Qua | 30.09.15

Willian: "FC Porto iha kualidade maka’as"

SAPO TL

Médiu brazileiru hosi Chelsea afirma katak ekipa José Mourinho sei fó volta ba faze ladi’ak ne’ebé daudauk ne’e sira hasoru.





 


Foto: CARL COURT / AFP


Willian


 


Brazileiru Willian ohin kalan marka golu hosi ekipa Chelsea ne’ebé kampeaun inglés lakon hasoru FC Porto, iha jogu segunda jornada Champions, maibé la tauk ba momentu aat ne’ebé ekipa 'blues' hasoru.


 


"FC Porto iha kualidade maka’as, ho jogadór lalais ba oin. Ita hatene ida ne’e, maibé ami mai ho propózitu atu manán iha ne’e. Susar mai ita bainhira atu buka rezultadu iha segunda parte, maibé ba oin sei iha jogu barak tan", analiza médiu ne’e.


 


Liga ho jogu ne’ebé la di’ak hosi londrinu sira iha temporada ne’e, Willian maka halo esplikasaun no garante  de’it katak balneáriu kontinua hamutuk no hosi treinadór José Mourinho. "Susar atu esplika. Iha tinan kotuk ami hahú ho di’ak tebes, iha tinan ida ne’e laiha, tanba ami lakon jogu balun. Ami presiza kontinua serbisu no buka atu manán. Ha’u fiar katak ida ne’e sei sei akontese fila fali. Se iha tinan kotuk ami manán no ami hamutuk, iha tinan ida ne’e mós ami lakon hamutuk".


 


Chelsea sai ohin kalan hodi lakon 2-1 hosi FC Porto, iha Estádio do Dragão.


 


SAPO TL ho SAPO Desportu

Ter | 29.09.15

Everton 3-2 West Bromwich

SAPO TL

Lukako determinante ba 'reviravolta' iha markadór ho golu rua no asisténsia ida.


 



 


Foto: Everton Football Club


Lukaku halo 3-2 iha vitória Everton nian


 


Everton ohin manán iha West Bromwich nia uma, 3-2, iha jogu ne’ebé enserra sétima jornada hosi liga ingleza futeból, iha jogu ne’ebé ekipa uma nain ‘lakon’ vantajen ida hosi golu rua.


 


Saido Berahino, hosi Burundi, loke markadór, iha minutu 41, ba ekipa uma nain, ne’ebé  marka tiha golu iha minutu 54, hosi defeza Craig Dawson.


Maski nune’e, iha minutu tuir mai, iha jogu mosu avansadu belga Lukako, ne’ebé marka uluk golu rua, molok asisti costa-marfinense Arouna Koné, iha minutu 75.


 


Golu reviravolta iha markadór, ne’ebé vale ona ba pontu tolu ba ekipa ‘forasteira’, halo dala ida tan, hosi autoria Lukako, iha minutu 84.


 


Ho vitória ida ne’e, Everton sa’e ba kintu postu hosi tabela, ho pontu 12 hanesan Tottenham, ne’ebé sai sestu, enkuantu West Bromwich tuir iha 15.º ho pontu ualu.


 


SAPO TL ho SAPO Desportu


 


 

Seg | 28.09.15

Newcastle 2-2 Chelsea

SAPO TL

Blues St. James Park empata golu rua ho Newcastle, hafoin lakon tiha 2-0, iha jogu sétima jornada hosi Liga Ingleza.


 



Treinadór Chelsea.


 


Treinadór, José Mourinho, la gosta ezibisaun hosi ninia ekipa, liu liu iha primeira parte, no halo sira la hatudu iha konferénsia imprensa hafoin jogu hala’o.


 


"Iha primeira parte, iha eskala zero a dez, ami menus tiha ida, menus ida! Ami sai aat tebes (…) Iha tempu seundu ami joga di’ak tebes. Ramires no Willian doko jogu, sira lori intensidade no sai dinámika liu ba ekipa no Newcastle la hatene lida ho ida ne’e”, esplika.


 


Iha opiniaun dahuluk hosi tékniku “pontu ida maka di’ak liu duke lakon”, maski nia hatete katak nia nunka sente satisfeitu bainhira ninia ekipa la manán. Hafoin jornada ida ne’e, Chelsea okupa 15.º lugar hosi Liga Ingleza, no vizita iha loron-Tersa Estádiu Dragaun iha jogu faze grupu ninian hosi Liga Kampeaun.


 


SAPO TL ho SAPO Desportu


 

Qui | 24.09.15

Empoli 0- 1 Atalanta

SAPO TL

Atalanta hetan ona pontu ualu iha kampeonatu no sa’e liu pozisaun tolu.


 



 


Atalanta manán iha loron-Kinta 1-0 iha Empoli ekiopa lokál, iha enserramentu ekipa jornada hosi Serie A, divizaun dahuluk hosi futeból italianu, hodi sa’e ba nono lugar.


 


Iha estádiu Carlo Castellani, iha Empoli, rezultadu ne’ebé halo tiha hafoin intervalu, ho golu hosi brazileiru Rafael Tolói, pasa hosi arjentinu Moralez, iha minutu 31 hosi jogu.


 


Atalanta, hetan pontu ualu iha kampeonatu no sa’e pontu tolu, hodi sa’e ba nono lugar, enkuantu Empoli – ohin ho laterál portugés Mário Rui hodi joga hanesan titulár – mantén iha 14.º, ho pontu haat.


 


Iha jornada dalima nian, Inter konsolida lideransa ho vitória ida 1-0 iha resesaun ba Verona, hodi hetan pontu 15, kontra 12 hosi Fiorentina, iha tabela daruak foun ninian.


 


Ekipa Florença, ne’ebé treina hosi portugés Paulo Sousa no adversáriu Belenenses iha Liga Europa, hodi separa Bolonha 2-0.


Iha evidente krize kontinua ba kampeaun Juventus, ne’ebé iha ninia estádiu halo empata ba lanterna-vermelha, Frosinone (1-1), halo iha tempu deskontu ninian.


 


'Juve' koñese iha pozisaun 13.º lugár, ba pontu sanulu Inter, enkuantu ne’ebé Frosinone marka primeiru pontu iha kampeonatu, hafoin lakon dala haat.


 


SAPO TL ho SAPO Desportu

Qui | 24.09.15

Barcelona estreia hasoru Amérika ka kampeaun hosi Ázia

SAPO TL

Katalaun sira sai hanesan favoritu ba triunfu iha prova FIFA nian.



 


EPA@ Andreu Dalmau


 


FC Barcelona, kampeaun hosi títulu europeu nian, sei tama iha Mundiál klube sira futeból nian, iha fulan-Dezembru, iha Japaun, hasoru mexikanu sira hosi Club America ka vensedór sira hosi Champions League Aziátiku nian.


 


Iha sorteiu, nebe halo iha loron-kuarta iha Zurike, hatene mós katak ema arjentinu sira hosi River Plate, nebe hanesan kandidatu ida forte aleinde "Barça", bele hasoru neozelandés hosi Auckland City, kampeaun japunés ka vensedór hosi Champions League Afrikanu sira nian.


 


FC Barcelona, nebe mana'an Juventus iha final "Champions" nian (ho 3-1), tenki hein konfrontu entre America no kampeaun aziátiku, klube ida nebe nia naran sei hatene de'it iha finál kompetisaun nian, iha loron 21 fulan-Novembru.


 


Iha dalan ba semi-finál seluk, iha "kuartu", Auckland City sei hasoru kampeaun japunés, iha loron 10 fulan-Dezembru, bainhira vensedór hosi Champions League Aziátiku (AFC) nian maka klube nipóniku ida, nebe bainhira akontese sei fó fatin ba finalista hosi AFC.


 


Iha finál hosi Mundiál ne'e, nebe Real Madrid mana'an iha tinan ikus, marka ona ba loron 20 fulan-Dezembru, iha Estádiu Internasionál Yokohama, no fila ba Japaun hafoin edisaun rua nebe halo tiha ona iha Marroko.


 


Mundiál kulbe sira nian substitui Tasa Interkontinentál, nebe konkista hosi FC Porto iha okaziaun rua, iha tinan 1987 (hasoru Penarol) no iha 2004 (hasoru Once Caldas).


 


Programa hosi mundiál klube sira nian:


 


- Kuartu-final:


Club America, Mex – Vencedór hosi Champions League Aziátiku nian (AFC).


Vensedór hosi Champions League Afrikanu nian (CAF) - Auckland City, Nzl ka Kampeaun hosi Liga Japunés nian.


 


Semi-finál:


FC Barcelona – Club America, Mex ka Vencedór hosi Champions League Aziátiku nian (AFC).


Auckland City, Nzl ka Kampeaun hosi Liga Japunés nian ka Vensedór hosi Champions League Afrikanu nian (CAF) - River Plate, Arg.


 


@SAPO Desporto

Qua | 23.09.15

Qatar hakarak kontratu eletróniku sira ba estranjeiru sira

SAPO TL

Nasaun ne'e simu nafatin krítika tanba laiha respeitu ba kondisaun sira traballadór nian.




AFP@ Karim Jaafar


 


Qatar, nasaun organizadór hosi Mundiál Futeból tinan 2022, fó sai iha loron-kuarta katak iha planu hodi hatama sistema ida kontratu eletróniku nian ba traballadór estranjeiru sira, iha tinan oinmai.


 


Nasaun ne'e hetan nafatin krítika tanba kondisaun sira serbisu nian nebe oferese ba ema estranjeiru sira, no hetan akuzasaun tanba la respeita sira nia direitu, no hakarak nune'e sistema foun "hodi tulun traballadór".


 


Tuir Mohammed Ali Al Meer, xefe hosi relasaun sosiál iha ministériu traballu hosi emiradu, sistema sei hala'o "iha trimestre dahuluk 2016" nian no permiti ba traballadór sira hodi "hatene sira nia direitu".


 


Ho sistema foun, migrante sira sei bele tama iha site ofisiál governu nian iha internet no fó informasaun pesoál sira hodi bele le, iha sira nia lian rasik, termu sira kontratu nian.


 


Ba dala uluk serbisu ne'e sei disponivel iha lian 10, nebe sei halo traballadór sira bele le, ba dala uluk, buat nebe sira asina tiha ona, tanba kontratu barak maka hakerek de'it iha lian árabe no lian inglés.


 


Iha istória oioin nebe akontese iha Doha, emiradu nia kapitál, kona-bá oinsá traballador balun ema lohi.


 


Ema ganes ida naran Hassan hatete foin lalais ne'e ba ajénsia France Presse katak nia asina tiha kontratu ida nebe hatete pagamentu ba dolár 900 fulan-fulan, maibé bainhira nia to'o iha nasaun nia hatene katak nia saláriu maka reál katarense 900 (euro 220 resin).


 


"Bainhira traballadór ida asina ona kontratu ida ho empreza ida, hanesan ezemplu dolár 800 fulan-fulan no, bainhira to'o iha ne'e simu de'it dolár 700, ministériu sei peskiza kazu ne'e", afirma hosi Al Meer.


 


Projetu ba kontratu eletróniku sei la hanesan obrigatóriu, maibé Al Meer fiar katak empreza barak sei implementa sistema ne'e.


 


Tuir funsionáriu sira nasaun nian medida ne'e halo parte hosi pakote jerál ida hosi reforma sira nebe hakarak halo mós ba sistema protesaun saláriu nian iha fulan-Novembru, hodi bele hatama alterasaun sira iha "lei kafala" nebe limita kuantidade traballadór estranjeiru sira iha emiradu.


 


Alterasaun sira ne'e karik sei hala'o iha tinan ne'e nia rohan.


 


Karik ba preparasaun mundiál iha Qatar ne'e iha ema estranjeiru millaun 1,7 resin maka serbisu iha nasaun ne'e, númeru ida nebe bele aumenta ba millaun rua to'o tinan 2020.


 


@SAPO Desporto

Qua | 23.09.15

Manchester City manán Sunderland, Swansea ho West Ham elimina

SAPO TL

Hull, hanesan eskalaun daruak inglés, elimina ona Swansea, iha primeira liga.


 



 


Manchester City ohin manán ona Sunderland ho 4-1, iha jogu terseiru pré-eliminatória hosi Taxa Liga Ingleza futeból, no ho rezultadu ne’e maka halo atuál líder hosi liga ingleza hakat ba faze kompetisaun tuir mai.


 


Iha jogu ne’ebé tau extremus sira hosi liga ingleza (City, primeiru klasifikadu no Sunderland, ikus ninian), halo ba ‘citizens’ hodi hahú loke markadór, iha minutu sia, hosi arjentinu Kun Aguero.


 


Ho eis-FC Porto Fernando no Otamendi hanesan titulár, ekipa ‘forasteira’ halo golu daruak hosi intermediu reforsu belga Kevin de Bruine, iha minutu 25, moloks italianu Vito Mannone halo tiha iha baliza rasik 3-0, iha minutu 33.


 


Liu tiha minutu tolu, bainhira jogadór foun Raheem Streling tama ba City nia marka kedas golu ida tan hodi manan ekipa uma na’in ho 4-0.


 


Golu hosi ekipa uma na’in marka hosi sueku Toivonen, iha minutu 83, ih duni jogu ne’ebé marka mos hosi ekipa prinsipál City, inglés  George Evans, ne’ebé foin hahí joga iha City no sai nu’udar jogadór dahuluk hodi reprezenta eskalasaun hothotu hosi klube nian.


 


Iha jogu seluk entre ekipa eskalaun dahuluk, Leicester maka manán West Ham, ho 2-1, no golu ne’ebé marka hosi  galés Andy King maka fó Vitoria ba “kazeira”.


 


Hull, hosi segundu eskalaun inglés, halakon Swansea, hosi priemira liga, liu hosi golu ida ne’ebé marka hosi médiu irlandés Meyler, iha minutu 41.



Hafoin empata rua iha tempu prolongamentu, maka bainhira iha penalti, Bournemouth, atuál 14.º hosi liga ingleza, liu fali Preston North End, hosi eskalasaun daruak, ho 5-4.


 


Iha faze tuir mai, Aston Villa, Stoke City, Middlesbrough no Everton mos sai halo parte.


 


SAPO TL ho SAPO Desportu

Ter | 22.09.15

Manchester hakarak fó 124ME hodi sosa Ronaldo

SAPO TL

Portugés kumpri temporada dahitu iha Real Madrid.


 




Jornál inglés Mirror hatete iha loron-tersa ne'e katak Manchester United hakarak fali Cristiano Ronaldo.

Tanba ne'e, jornál ne'e refere katak klube ne'e hakarak selu iha époka nia rohan osan ida nebe bele to'o euro millaun 124 hodi hetan fali avansadu nebe koñesidu ona iha tinan barak iha Inglaterra.

Internasionál portugés joga tiha ona époka neen iha red devils, entre tinan 2003 no 2009, konkista tiha ona kampeonatu tolu, Tasa Inglatera ida, Tasa rua Liga nian, Supertasa ida no Champions League dala ida.

@SAPO Desporto

Ter | 22.09.15

Nápoles manán Lazio no hosi zona despromosaun

SAPO TL

Iha vitória dahuluk hosi époka ne’e nian iha kampeonatu italianu, ekipa napolitana konsege sai hosi zona despromosaun.





 


Foto: EPA/CIRO FUSCO


 


Gonzalo Higuain marka golu rua bainhira Nápoles manán Lazio.


 


Nápoles horisehik konsege hetan vitória dahuluk iha kampeonatu italianu futeból, iha jogu ba dahal haat ninian, hodi manán Lazio 5-0 no nune’e sai hosi zona despromosaun prova nian.


 


Iha Estádio San Paolo, iha Nápoles, ekipa uma-nain konsege hetan pontu tolu ne’ebé permite hodi sa’e ba 11.º lugar, sai hosi 'bee laran' no motivasaun renovada.


 


Arjentinu Gonzalo Higuaín maka loke markadór, iha minutu 14, hafoin brazileiru Allan amplia iha minutu 35. Iha segunda parte, sei aumenta tan golu tolu – Insigne, iha minutu 47, Higuaín dala ida tan, iha minutu 59, no Manolo Gabbiadini, iha minutu 79.


 


SAPO TL ho SAPO Desportu


 


 

Pág. 1/4