Saltar para: Posts [1], Pesquisa [2]

SAPO Desportu TL

Sex | 11.09.15

James sei la joga fulan ida tanba lezaun

SAPO TL

Avansadu kolombianu hetan lezaun iha ruin.


 




Foto: Jorge Guerrero / AFP



James Rodríguez, avansadu Real Madrid



James Rodríguez iha loron-kinta, hala’o ezame médiku oioin ne’ebé sira fó sai katak hetan problema iha ruin.
Tuir jornál españól ‘Marca’, antigu jogadór FC Porto sei afasta hosi relvadu sira durante fulan ida.



Lezaun ne’e James hetan iha loron-kuarta, bainhira halo jogu Kolómbia hasoru Peru.


 


SAPO TL ho SAPO Desportu

Qui | 10.09.15

Neymar no Hulk maka marka iha vitória Brazíl nian hasoru EUA

SAPO TL

Golu onra hosi norte-amerikanu sira ne’ebé marka hosi Danny Williams ho remata forte hosi área liur.


 




Foto: AFP@Rob Carr
Hulk marka tan fali golu hosi selesaun Brazíl



Brazíl halakon EUA 4-1, iha jogu partikulár ne’ebé hala’o iha Gillette Stadium iha Foxborough, Estadus Unidus Amérika.


 


Jogu ne’ebé kontrola hosi selesaun Dunga maka marka iha minutu sia hosi Hulk, ho remata hosi área laran, hafoin hasai bola hosi adversáriu rua.


 


Golu sira seluk ne’ebé marka iha tempu daruak nian, ho Neymar hodi halo ninia golu dahuluk iha jogu, ho penalidade, iha minutu 51 no ninia golu daruak iha minutu 67. Molok Rafinha marka 4-0.


 


Rezultadu ne’ebé aat liu maka Klinsmann iha EUA repete fali. EUA lakon tiha ona ho Brazíl iha 2012 4-1 no iha 2014 ho Irlanda ho rezultadu hanesan.



SAPO TL ho SAPO Desportu

Qua | 09.09.15

Áustria foin 1ª vez hakat ba iha Europeu liuhosi kualifikasaun

SAPO TL

Áustria horisehik sai hanesan kinta selesaun ne’ebé garante apuramentu diretu bainhira manán iha Suésia nia uma 4-1 hodi ba Europeu futeból 2016, ne’ebé sei hala’o iha Fransa.


 



 


Foto: DR
Áustria celebra vitória


 


Líder ne’ebé destaka ona iha grupu G, ekipa austríaka garante katak la’ós de’it apuramentu maibé mós ba vitória iha 'poule', ne’ebé horisehik 'brindadu' ba Suésia ho golu sira hosi Alaba, iha konversaun hosi penalidade boot, Martin Harnik (rua) no Marc Janko, enkuantu sueku sira marka hosi Zlatan Ibrahimovic, ne’ebé oras mós to’o ona minutu 90.


 


Ho nune’e maka, Áustria hamutuk ho Fransa, sai hanesan kualidade país organizadór, Islándia, hakat ba iha faze finál europeu, Inglaterra no República Checa iha faze finál Euro2016.



Áustria ninia prezensa daruak iha Europeu, primeira maka liuhosi kualifikasaun ne’ebé hala’o ona iha 2008 partisipa iha prova hanesan ko-organizadór.


 


SAPO TL ho SAPO Desportu

Ter | 08.09.15

Jogu kualifikasaun ba Mundial2018 marka istória iha Palestina

SAPO TL

Palestina prepara aan hodi simu no hala’o jogu dahuluk hosi kualifikasaun ba Mundial


 




Adeptu palestinianu sira durante jogu hosi ninia selesaun



Palestina prepara aan hodi simu no hala’o jogu ba dahuluk nian iha kualifikasaun ba Kampeonatu Mundu futeból, hasoru Emiratos Árabes Unidos, ne’ebé autoridade lokál sira konsidera katak sei lori “vitória”.



“Iha ami-nia istória iha momentu ida ne’ebé sira dehan katak ami la ezisti, ami laiha direitu sai hanesan Estadu ida no ohin rekoñese ona ami internasionál no ami bele hala’o jogu kualifikasaun iha Palestina. Iha biban ida ne’e, ama hetan ona vitória”, dehan ba Efe porta-voz Organizasaun ba Libertasaun Palestina (OLP), Xavier Abu Eid.



Prezidente Federasaun Palestiniana Futeból, Yibril Rayub, kualifika ona hosi “istóriku” jogu hosi Grupu A zona aziátika apuramentu ba Mundial2018, nune’e mós faze finál ne’ebé sei hala’o iha Rúsia.



Jogu ofisiál dahuluk ne’ebé sei hala’o iha rai palestinianu dezde 2011 sei konta ho lotasaun esgotada iha Estádio Faisal al Huseini, besik Jerusalém no iha pizu sintétiku.



SAPO TL ho SAPO Desportu

Ter | 08.09.15

Quaresma: "Ami hakarak hetan pontu tolu no la’ós atu hetan de’it ida"

SAPO TL

Portugal manán Albánia 1-0 no agora presiza pontu ida hodi garante prezensa iha Europeu2016.


 




Foto: GENT SHKULLAKU
Ricardo Quaresma proteje bola hosi Ansi Agolli durante jogu entre Portugal no Albánia



Internasionál portugés Ricardo Quaresma sente satisfeitu ba vitória Portugal hasoru Albánia, maibé garante katak ekipa Fernando Santos sei ba joga hodi manán tan jogu rua ne’ebé hodi hakat ba apuramentu Europeu2016, maski presiza de’it pontu ida.



"Importante liu maka ekipa no selesionadór tenke fiar aan. Kualkér jogadór ne’ebé tama koko fó ninia melhor no ha’u sente kontante, tanba ajudadu. Sai hanesan pasu ida ne’ebé importante tebes maibé ita sei hala’o jogu seluk hodi bele manán, laiha ema ida maka hanoin katak atu empata. Ami hakarak hetan pontu tolu no la’ós atu hetan de’it ida. Ha’u la gosta champanhe tanba ha’u la gosta álcool, maibé se halo festa ami sei gosta, ami sei halo ho neneik. Ami presiza kontinua ho mentalidade hanesan", afirma estremo portugés Besiktas.



SAPO TL ho SAPO Desportu

Seg | 07.09.15

Governu Malázia ameasa hapara suspende federasaun tanba golu sira 10-0

SAPO TL

Malázia ho Timor-Leste hela iha fatin ikus hosi Grupu A iha kualifikasaun aziátiku ba Mundial2018.


 




Ministro Desportu Malázia nian ameasa suspende federasaun lokál futeból nian hafoin selesaun malaiu lakon ho Emiradu Árabe Unidu ho 10-0, iha kualifikasaun ba Mundial2018.

Ministru Juventude no Desporto, Khairy Jamaluddin, hatete katak prepara hela medida "todan sira" hasoru federasaun lokál, tanba golu sira nebe hetan iha loron-kinta liubá, nebe halo ona treinadór Dollah Salleh sai hosi komando tékniku selesaun nian.

Governante hakarak hatene karik dirijente federativu sira "senti kualifikadu ba funsaun, nebe sira kaer iha tempu sufisiente maibé lahó rezultadu", hodi admiti halo tuir "ezemplu" hosi Indonézia.

"Ha'u bele suspende federasaun, hanesan Indonézia halo tiha ona", hatete hosi Jamaluddin, hodi rekoñese katak ne'e hanesan "rekursu ikus", hodi bele mosu kastigu sira hosi parte FIFA nian nebe suspende ona ema indonéziu sira hosi kompetisaun internasionál sira.

"Krizi" iha futeból malaiu hahú aumenta ona ho empate ida hasoru Timor-Leste (1-1), iha loron 11 fulan-Juñu tinan ne'e, hafoin ne'e, liutiha loron lima, sira lakon bainhira simu Palestina (6-0).

Malázia agora hamutuk ho Timor-Leste iha fatin ikus hosi Grupu A hosi kualifikasaun aziátiku ba Mundial2018, ho pontu ida, no iha loron-tersa sei simu Arábia Saudita no selesionadór iha banku maka selesionadór olímpiku Ong Kim Swee, nu'udr tékniku interinu. Arábia Saudita maka lidera agrupamentu ho pontu ida nebe hanesan ho Emiradu Árabe Unidu.

@SAPO Desporto

Seg | 07.09.15

Inglaterra hetan ona billete ba Euro2016

SAPO TL

Inglés sira manán São Marino 6-0.


 




Foto: BEN STANSALL / AFP
Wayne Rooney marka mós golu ida entre golu neen hosi inglés sira



Selesaun ingleza futeból ohin konsege hakat ba Kampeonatu Europa 2016, hodi manán São Marino, 6-0, iha jogu ba dala hitu ninian hosi Grupu E hosi kualifikasaun.



Ekipa ne’e rasik konsege kualifika aan uluk ba Euro2016, iha Fransa, inglés sira la fasilita. Avansadu Wayne Rooney, hosi penálti, iha minutu13, halo golu dahuluk, ho Brolli marka iha ninai baliza rasik iha minutu 30 ba 2-0.



Iha segunda parte, Inglaterra marka tan fali hosi Barkley, iha minutu 46, Walcott, iha minutu 68 no 78 no Harry Kane, iha minutu 77.



Só ho vitória sira ne’e, agora ekipa ingleza nia pontu 21 iha lideransa Grupu E, kontra pontu 12 hosi Suísa, hanesan segunda klasifikasaun, no pontu sia Eslováquia, hanesan terseira, ohin selesaun rua mak sei hasoru malu.



SAPO TL ho SAPO Desportu

Sex | 04.09.15

Komité Olímpiku Internasionál harii fundu 1,8 ME ba refujiadu sira

SAPO TL

Prezidente hosi COI hatete mós katak organizasaun iha kolaborasaun hosi Organizasaun Nasaun Unidu nain no hosi nia estrutura ba apoiu refujiadu sira nian (UNHCR) hosi fó auzíliu ida di'ak liu.




 


Komité Olímpiku Internasionál (COI) fó sai iha loron-sesta ne'e kriasaun ba fundu ida ho osan euro millaun 1,8 ba dezenvolvimentu programa sira hodi tulun refujiadu sira nebe sei disponibiliza ba komité nasionál sira.


 


"Ami senti sensibilizadu ho istória no notísia terível sira iha loron hirak ikus ne'e. Ho krizi nebe afeta daudaun Médiu Oriente, Áfrika ho Europa, desportu no movimentu olímpiku hakarak iha nia knaar hodi fó tulun ba refujiadu sira, liuhosi kriasaun ba fundu ida", afirma hosi prezidente COI nian, Thomas Bach, iha komunikadu nebe publika iha site ofisiál organizmu nian iha Internet.


 


Prezidente COI nian hatete mós katak, nune'e, tenki avalia refujiadu sira nia terus, nebe ariska sira nia moris no família sira nian hodi halai hosi perigu.


 


"Tanba krizi, fundu sei fahe lalais, tanba ami bele serbisu iha rai laran ho Komité Olímpiku nasionál sira hodi nune'e tulun ba refujiadu sira bele to'o lalais", Bach hatutan.


 


@SAPO Desporto

Sex | 04.09.15

Bayern Munique fó apoiu ba refujiadu sira iha Alemaña

SAPO TL

Klube alemaun fó euro millaun ida.




 


Prezidente Bayern Munique nian fó sai iha loron-kinta ne'e katak klube alemaun futeból nian sei tulun refujiadu sira nebe to'o daudaun iha Alemaña, liuhosi doasaun euro millaun ida no apoiu ba nia integrasaun.


 


"Bayern Munique haree hanesan nia responsabilidade sosiál, tulun labarik sira, feto sira no mane sira nebe tenki husik sira nia nasaun no liuhosi susar sira", hatete hosi Karl Heinz Rummenigge.


 


Iha semana tuirmai, Bayern sei hala'o kampu treinu ida ba joven refujiadu sira, no sira sei simu hahán, ekipamentu desportu nian no sei iha mós aula alemaun nian.


 


Klube fó sai mós katak iha loron 12 fulan-Setembru, bainhira simu Augsburgo, jogadór ida-idak hosi "bávaru" sei tama iha kampu akompaña hosi labarik refujiadu ida.


 


@SAPO Desporto

Sex | 04.09.15

José Mourinho tama iha livru rekord Guinness nian

SAPO TL

Buat hotu iha relasaun ho rekord sira nebe treinadór ne'e hetan.





EPA@ Peter Powell


 


Treinadór portugés José Mourinho, ho tinan 52, iha loron-sesta ne'e tama iha livru Guinness nian, tanba simu ona sertifikadu sira hosi rekord nian nebe estabelese durante nia kareira.


 


"Di'ak tebes tanba sira fó ona mai hau prémiu sira hodi bele tau iha ha'u nia eskritóriu. Hanesan buat ida nebe divertidu [simu distinsaun ne'e]. Bainhira ha'u sei ki'ik ha'u labele hanoin katak sei tama iha livru Guiness nian", hatete hosi treinadór Chelsea nian, nebe haktuir hosi klube londrinu ne'e.


Mourinho sei tama iha livru rekord tinan 2016 hafoin liuona rejistu lima.


 


Aleinde sai hanesan treinadór dahuluk nebe maka mana'an Champions League ho ekipa rua nebe la hanesan, "special one" sai hanesan treinadór ida nebe hetan liu pontu iha Liga ingleza (95), sai hanesan treinadór ida nebe mana'an beibeik iha "Premier League" (77), sai hanesan tékniku joven liu nebe maka hetan jogu 100 iha Liga ingleza no konsege mantén iha époka sia konsekutivu mana'an nafatin iha jogu nebe halo iha klube nia estádiu.


 


"Imi koñese di'ak hau. Prémiu sira ne'e hetan tanba buat nebe ha'u halo nebe hanesan di'ak. Maibé ba ha'u, importante liu maka buat nebe ha'u bele halo iha futuru", treinadór hosi kampeaun inglés sira nian hatete.


 


José Mourinho ho nia Chelsea hahú ladún di'ak iha temporada foun ne'e. Iha jornada dahaat Liga ingleza nian, Chelsea okupa fatin 13, ho de'it pontu haat nebe sira hetan.



@SAPO Desporto