Messi sei lahamutuk ho Arjentina iha jogu kualifikasaun dahuluk ba Mundiál 2018.
Foto: Luís Acosta
Defeza hosi Barcelona hatene katak sira-ninia belun hosi ekipa nomós selesaun, Messi sei lapartisipa iha jogu ne’ebé sei hala’o kontra Ekuadór no Paraguai, maibé fi’ar katak Arjentina sei fó resposta ne’ebé di’ak.
“Ami sei falta ami-ninia jogadór importante liu, maski nune’e uluk mos nia laiha no ekipa hatene atu fó resposta. Ami sei kontinua halo hikas ida ne’e. Ami presija prezensa hosi hothotu nian. Ida ne’e maka sai hanesan ekipa ninia objetivu ida no la’os deskulpa ida”, dehan bainhira to’o iha konsentrasaun hosi selesaun pampas nian.
Kona-ba jogu ho Ekuadór no Paraguai, Mascherano dehan katak “importante maka hahú ho golu ida atu nune’e ami bele sente hakmatek no labele atu hanoin tan kona-ba rezultadu idaidak ne’ebé ami sei tenke hetan”, esplika.
Enkontru ho Arábia Saudita tuir lakon invulgár sira ho Palestina (6-0) no Emiradu Árabe Unidu (10-0).
Foto @AFP
Iha loron-segunda ne'e FIFA desidi fó lakon ba Malázia iha enkontru loron 08 fulan-Setembru ho Arábia Saudita, interompe iha minutu 88, hafoin adeptu malaiu ida so'e toxa ba kampu laran, halo estádiu nakonu ho suar.
Hodi hasoru insidente sira ne'e, organizmu nebe kaer futeból mundiál fó lakon ida ho 3-0 ba selesaun malaiu, nebe iha jogu tuirmai sei joga ho odamatan metin, hasoru Emiradu Árabe Unidu, hosi faze daruak Grupu A hosi kualifikasaun aziátiku ba Mundiál2018, no tenki selu mós multa ida ho euro 36.600 resin.
Iha jogu loron 08 fulan-Setembru, ho rezultadu 2-1 favór ba saudita sira, iha minutu 88, adeptu sira malaiu nian hahú so'e objetu sira ba kampu, iha mós ligasaun ho frustasaun hosi lakon 10-0 nebe sira hetan iha semana ida antes hasoru Emiradu Árabe Unidu.
Oras balun antes, selesionadór interinu hosi Malázia, Ong Kim Swee, husu tiha ona ba adeptu sira atu labele halo perturbasaun iha jogu ho Arábia Saudita.
Enkontru ho Arábia Saudita no tuir lakon invulgár sira ho Palestina (6-0) no Emiradu Árabe Unidu (10-0) maka halo treinadór Dollah Salleh sai hosi komando tékniku selesaun nian.
FC Porto manán Belenenses ho 4-0 no ekipa refere mantein iha pozisaun dahuluk hosi tabela klasifikativa.
Foto: Estela Silva/Lusa
FC Porto iha loron domingu, horisehik joga hasoru no manan ona Belenenses, ho 4-0 bainhira tama ona ba segundu tempu. Jesús Corona, Yacine Brahimi, Dani Osvaldo no Iván Marcano, maka marka golu haat ne’e hodi halo “dragões” tama ba pozisaun dahuluk Liga nian, no agora ho ona pontu 17.
Iha enkontru ne’ebé Julen Lopetegui devolve hikas titularidade ba mexikanu, Jesús Corona ho Miguel Layún, ekipa uma na’in sempre forte liu, maski hetan ona oportunidade dalarua hodi fó perigu ba Belenenses iha primeiru tempu.
Golu dahuluk hatama hosi “azuis” Restelo, maibé Casillas halo defeza bot hafoin Kuca kabesa. Formasaun Lopetegui di’ak no hakbesik duni ba baliza Ventura nian, maibé Corona tebe ses no André André maka bele ajuda defeza hosi guardiaun adversáriu nian.
Brahimi hahú joga di’ak, maibé remate ne’ebé nia halo falla tiha, no Maicon tebe as liu tiha. Kuca hetan tan oportunidade, maibé remate desvia tiha tanba Layún tebe ses tiha no maski nune’e konsege aserta duni Casillas ninia baliza molok bola sai hosi kampo.
Tama ba intervalu kontinua nulu no Lopetegui tau Danilo Pereira ba Maicon ninia fatin, hodi ikus mai hatama tan golu ikus.
Jeús Corona maka hatama golu dahuluk iha minutu 52, liu hosi remate ne’ebé desvia tiha João Amorim molok tama ba rede Ventura nian. Ho golu refere maka FC Porto marka kedas golu bainhira tama ba segundu tempu. Maxi simu bola hosi André André no kruza Barhimi ne’ebé kabesa bola hodi hatama golu daruak.
Fó dalan oba FC Porto, maibé ekipa Lopetegui konsege atu hatama duni golu. Primeiru Dani Osavaldo, iha kedas minutu 80, hafoin simu bola hosi Tello. Bainhira jogu besik remata maka hatama tan hosi Iván Marcano liu hosi kabesa, hodi hamosu rezultadu ikus 4-0.
Ho vitória ne’ebé FC Porto hetan, koloka ona ekipa refere ba iha pozisaun dahuluk tabela nian no ho pontu 17, maibé sei bele alkansa hosi Sporting, tanba domingu oin ekipa Sporting sei joga kontra V. Guimarães.
Real Madrid fó homenajen ba avansadu portugés, nebe iha hanesan ho Raúl nu'udar markadór di'ak liu iha klube "merengue" ne'e.
Iha loron-sesta ne'e Real Madrid halo homenajen ba Cristiano Ronaldo, nebe sai hanesan Raúl nu'udar markadór di'ak liu iha istória klube "merengue" nian, no prezidente Florentino Pérez dedika elojiu maka'as ba avansadu portugés.
"Estádiu ne'e destina ba emosaun sira. Ita hanesan klube ida nebe hakarak mana'an saida maka imposivel ho ema hanesan Cristiano. Ohin ita nia ema ida konkista ona horizonte ida nebe dook nafatin hosi dúvida ruma. Nia luta nafatin hodi mana'an", Florentino Pérez hatete iha Santiago Bernabéu.
Líder hosi klube "merengue" ne'e diriji diretu ba jogadór portugés: "Madridizmu" adora ó no hakarak haree loloos ó. Ó hanesan ezemplu ida ba sira nebe hadomi futeból, hosi liu no iha laran, no ba ema sira nebe hakarak fó hakat dahuluk iha desportu. Ho ó nia númeru, ó halo liu ona jogadór koñesidu sira hosi klube ne'e. Ó nia naran hanesan lenda hosi Real Madrid", prezidente hatete.
Ba sira ne’ebé hadomi desportu, hahú agora imi hetan ona oportunidade hodi pratika nomós koko desportu oioin, iha fatin ida de’it, liu hosi eventu “Desportu ba Moris”.
Eventu “Desportu ba Moris” maka hanesan ko-organizadu hosi SportImpact hamutuk ho grupu barak no organizasaun lokál sira, hodi fó oportunidade ba komunidade atu koko desportu oioin iha fatin ida de’it (baibain hala’o iha fatin kampu futeból nian ka estádiu ne’ebé disponível). SportImpact konvida eskola hotu-hotu hosi rejiaun atu lori sira ninia labarik no joven sira. Objetivu maka atu hatudu katak la presiza halo infraestrutura boot ida hodi realiza eventu no insentiva grupu no asosiasaun lokál sira organiza mesak ho inisiativa ne’ebé hanesan iha futuru.
Tuir mai bele haree kalendáriu kona-ba eventu sira:
Aileu: eventu loron 03/Out
Suai: eventu loron 17/ Out
Viqueque: eventu loron 31/ Out
Ainaro: eventu loron 21/Nov
Same: eventu loron 05/Dez
Kona-ba SportImpact
SportImpact hanesan negósiu sosiál ho misaun atu promove dezenvolvimentu umanu liuhosi desportu. Fundadór maka espesialista sira iha jestaun desportu, empreendedorizmu sosiál no jestaun konflitu, ho esperiénsia internasionál oioin atu dezenvolve desportu iha país sira hanesan Timor-Leste, Afeganistaun, Brazíl, Portugál no Singapura.
Para os amantes do desporto, podem agora ter a oportunidade para praticar e experimentar diferentes desportos no mesmo recinto através dos eventos “Desporto para a Vida”.
Estes eventos são co-organizados pela SportImpact oferece com o maior número possível de grupos e organizações locais, para oferecer à comunidade a oportunidade de experimentar uma variedade de desportos num só local (normalmente num campo de futebol ou estádio se disponível). A SportImpact convida todas as escolas da região para trazer as suas crianças e jovens. O objectivo é mostrar que não é necessária uma grande infraestrutura para a realização dos eventos e incentivar os grupos e associações locais a organizarem sozinhos iniciativas semelhantes no futuro.
Aqui segue o calendário dos próximos eventos para não perder a oportunidade de participar:
Aileu: evento a 03/Out
Suai: evento a 17/ Out
Viqueque: evento a 31/ Out
Ainaro: evento a 21/Nov
Same: evento a 05/Dez
Sobre a SportImpact
A SportImpact é um negócio social com a missão de promover o desenvolvimento humano através do desporto. Os fundadores são especialistas em gestão do desporto, empreendedorismo social e gestão de conflitos, com uma diversidade de experiências internacionais desenvolvendo o desporto em países como Timor-Leste, Afeganistão, Brasil, Portugal e Singapura.
David Luiz, Ronaldo ho Hulk mós halo parte iha ekipa ideal ne’e.
Foto: Lusa
Maicon ho Gaitán maka sai nu’udar figura ba iha Ekipa Ideál hosi 2ª jornada Liga dos Campeões nian. Jogadór sira hosi FC Porto no Benfica, maka determina ona vitória ba sira-ninia ekipa idaidak.
Maicon maka marka golu hodi fó vitória ba "dragões" bainhira joga hasoru Chelsea iha Dragão. Gaitán hatama golu ida nomós sai nu’udar asisténsia ba triunfu Benfica nian iha Vicente Caldéron bainhira joga kontra Atlético Madrid ho 2-1.
Klube bávaro komemora vitória ne’ebé sira hetan, hafoin manan D. Zagreb.
Foto: AFP
Ekipa Bayern Munique halo tuir tradisaun iha tinan hirak ikus ne’e no kontinua ba nafatin Oktoberfest, hodi komemora festivál serveja ne’ebé tinan-tinan hala’o iha Munique.
Hafoin manan Dinamo Zagreb, ho 5-0, horisehik iha jogu jornada daruak faze grupu Champions nian, jogadór ho ekipa téknika ne’ebé lidera hosi Pep Guardiola lakohi lakon tempu hodi komemora kedas triunfu ne’e iha sidade laran no hemu serveja ho marka oioin.
No pesoál hosi klube bávaro rasik maka fó sai festa ne’e iha rede sosiál Bayern nian.
