Tranzasaun sira relasiona ba atribuisaun Mundiál 2018 no 2022.
Foto: FABRICE COFFRINI / AFP
Komisun responsável ba investigasaun hosi atribuisaun Mundiál futeból 2018 ba Rúsia, no Katar, iha 2022, fó horisehik katak deteta ona tranzasaun finanseira suspeita 120 resin relasiona ho eskolla FIFA nian.
Porta-vóz ida hosi Gabinete Prokuradór-Jerál iha Suíça (OAG), ne’ebé sita hosi ajénsia France Presse, refere katak komisaun simu ona hosi serbisu finanseira investigasaun, relatóriu kona-ba tranzasaun suspeitu hamutuk 120 relasiona ho adjudikasaun ba Mundiál hothotu.
"Relatóriu ne’e relasiona ho prosesu penál ba atribuisaun hosi organizasaun kampeonatu futeból Mundiál 2018 no 2022", refere porta-vóz ne’e.
Komité ezekutivu FIFA diside ona iha dezembru tinan 2010, hodi hili fatin ba realizasaun futeból Mundiál 2018 no 2022, desizaun sira ne’e polémika tebes, tanba deskunfia mosu korupsaun, maibé ne’e nega hosi Rúsia nomós Katar.
Mohamed Bin Hammam, eis-vise-prezidente FIFA no prezidente Konfederasaun Aziátiku ba Futeból, hanesan figura sentrál ida ne’ebé hetan alegasaun barak iha prosesu ne’e.
Bin Hammam ne’ebé komisaun sira hakarak atu kolabora iha investigasaun , sai hanesan figura sentrál hodi indika Mundiál iha Katar, ba tinan 2022, hetan espulsu hosi FIFA iha 2012 hafoin nia naran tama iha prosesu subornu ne’e.
Timor-Leste horisehik lakon 0-10 ho Arábia Saudita, iha enkontru ba jornada ualu faze daruak hosi kualifikasaun aziátika ba Mundiál 2018.
Al Sahlawi marka golu lima no sai protagonista ba partida ne’e (29' g.p., 42', 54' g.p., 70' e 89’). Ho sira seluk apontadu hosi Al Nakhli (34'), Al Shehri (35'), Al Jassim (85'), Hazazi (90') e Al Muwallad (90'+2).
Timor-Leste okupa iha pozisaun lima no fatin ikus liu iha Grupu A nian ho pontu rua iha jogu hitu, no Arábia Saudita lidera ho pontu16 iha jogu neen.
Moris iha nordeste Xina nian, Guo Jie halo ona rekord nasionál iha lansamentu disku nian iha tinan 1935.
Atleta olímpika ne’ebé katuas liu iha mundu, Guo Jie, mate ona iha domingu foin daudaun ho tinan 103, tuir informasaun ne’ebé fó sai horisehik hosi Federasaun Internasionál Atletismu (IAAF) nomós hosi órgaun komunikasaun xinés.
“IAAF sentre triste bainhira hatene katak Guo Jie, ne’ebé reprezenta Xina iha [lansamentu] disco ba Jogu Olímpika tinan 1936 nian mate ona iha domingu foin daudaun ho tinan 103. Nia hanesan atleta olímpiku ida ne’ebé antigun liu maka sei moris iha tempu ne’ebá”, bele lee iha komunikadu ne’ebé fó sai hosi IAAF.
Hosi nordeste Xina, Guo Jie hetan rekorde nasionál ba iha lansamentu disco tinan 1935, hetan kualifikasaun ba Jogu iha Berlim iha fali tinan tuir mai, maibé lahetan kualifikasaun ba kompetisaun ikus.
Hafoin hakotu ninia kareira hanesan atleta, nia sai fali hanesan investigadór nomós treinadór atletismu, molok hasai nia iha 1987.
Guo Jie maka lori toxa olímpika ba iha sidade Xina laran, bainhira prepara ba Jogu Olímpika tinan 2008 nian iha Pekin.
Avansadu Raúl disputa jogu internasionál 102 ho kamizola España no hanesan segundu markadór di’ak liu iha selesaun española, tuir David Villa.
Foto: Dan Emmert
Españól Raúl termina iha kuarta-feira nia karreira futebolista ho konkista tan títulu ida, nia ajuda New York Cosmos halakon Ottawa Fury, hosi luzo-desendente Marc dos Santos, iha finál ba segundu eskalaun norte-amerikanu.
Iha Long Island, Nova Iorque, figura ida inportante iha enkontru ne’ebé marka adeus ba Raúl mak jogadór argentinu Gaston Cellerino, ne’ebé marka golu tolu ba Cosmos hodi manán, ho 3-2.
Ho fransés Peiser, eis-guarda-rede Akadémika iha Naval 1.º de Maiu, iha baliza, ho hamutuk kanadianu sira sofre primeiru golu iha minutu 8.
Ekipa ne’ebé komanda hosi Marc dos Santos, treinadór ba tinan ne’e iha NASL (North American Soccer League), halo empata enkontru, iha minutu 71, hosi norte-amerikanu Tom Heinemann, hafoin iha minutu tolu tuir mai hasoru desvantajen, tanba kanadianu Mason Trafford hetan espulsaun.
Kellerinu lori fila fali Cosmos lidera ho nia golu marka iha minutu tuir mai hodi halo skor ba 3-1 iha minutu 85, simu pase hosi Raúl, ho Ottawa Fury ho neneik, la konta, ne’ebé halo galu hosi Heinemann.
Aleinde treinadór Marc dos Santos, iha mós kanadianu sira mai hosi luzo- desendentes Mauro Eustáquio (internasionál sub-23 hosi Kanadá) ne’ebé tama iha minutu 77.
Ida ne’ebé mak termina tan nia karreira iha enkontru ne’e mak internasionál españól Marcos Senna, kampeaun europeu ho España iha 2008. Raul, iha tinan 38 , joga durante tinan 16 iha Real Madrid, tama ba ekipa prisipál iha deit tinan 17. Hamutuk ho ‘blanco’ nia hetan, títulos seluk hanesan, liga española neen, supertasa haat no liga kampeaun 3.
To’o iha 30 fulan setembru, ba eternu kapitaun ‘madridista’ ne’e hanesan goleadór ida iha istória Real Madrid nian ,estatutu ne’ebé halakon hosi portugués Cristiano Ronaldo ne’e iha iha‘bisar’ hasaru Malmö, iha Liga Kampeaun, soma hamotuk golu 324 ho kamizola ‘merengues’, nian, hodi liu golu ida.
Iha tinan 2010, españól ne'e muda ba Schalke 04 alemaun nian , ne’ebé reprezenta durante époka rua antes ba joga iha Al-Saad, Katar, durante tinan rua ne’ebé despede iha marsu 2014. hafoin sai hosi ne’ebá, nia asina kedas ba Cosmos iha dezembru tinan kotuk.
Tuir jornál "El Confidencial", jogadór portugés karik hatudu ona nia deskontentamentu ba prezidente Real Madrid nian.
Cristiano Ronaldo la kontente ho métodu sira hosi Rafa Benitez. Internasionál portugés joga daudaun hanesan pontadelansa iha atake Real Madrid nian, iha pozisaun ida nebe nia la gosta. CR7 konsidera katak klube merengue ladún iha hipóteze hodi konkista títulu sira bainhira Benitez iha kaer komando.
Tuir jornál "El Confidencial", jogadór portugés karik ko'alia ona nia deskontentamentu ne'e ba prezidente Real Madrid, bainhira interompe hosi Florentino Perez kona-bá konversa nebe nia mantén ho Laurent Blanc durante Real Madrid - PSG.
"Ho treinadór ida ne'e ita sei la mana'an buat ida", karik Cristiano Ronaldo hatete ona, antes garanti ba Florentino Perez katak nia sei la muda ba PSG.
Relasaun hosi Rafael Benitez ho jogadór sira Real Madrid nian karik ladún la'o ho di'ak. Foin lalais ne'e tékniku hatete katak James Rodriguez laiha kondisaun atu joga minutu 90 tanba foin maka di'ak hosi lezaun. Maibé médiu ne'e sai hanesan titulár iha jogu hasoru Xile, iha apuramentu súl-amerikanu ba Mundial2018, nia joga durante minutu 90 no marka golu ida.
Asinatura kona-ba parseria ho empreza konstrusaun ECADInt Portugál hala’o iha segunda-feira.
Bruno de Carvalho vai celebrar o acordo com o presidente da ECADInt Portugal e com o cônsul da China. Foto: ANDRE KOSTERS
Sporting informa iha domingu ne’e katak iha segunda-feira ne’e, sei hala’o asinatura parseria ida iha Estádio José Alvalade, hodi kria eskola sanulu iha Xina.
Tuir komunikadu hosi 'leões', sei kria Eskola sanulu hosi Academia Sporting iha parseria ho empreza konstrusaun ECADInt Portugál.
Iha serimónia asinatura ba parseria ne’e sei marka prezensa prezidente Sporting nian, Bruno de Carvalho, prezidente ECADInt Portugál, Lin Han, no kónsul Xina nian, Xu Weili.
Bombista ida mne’ebé mós oho-an hodi halo rebenta iha sesta-feira iha Paris tenta tama iha Stade de France ho esplozivu barak. Notísia ne’e fó sai hosi ´Wall Street Journal` iha nia edisaun sábadu ne’e.
Tuir publikasaun ne’e mós, elementu seguransa ida detekta ona kolete esplozivu ne’ebé bombista ne’e uza. Nia Tenta ka’er maibé ema ne’e konsege halai, hodi halo nakfera iha tempu balun tuir mai. Bombista ne’e, ne’ebé iha billete ba Fransa - Alemaña, ho objetivu atu harahun esplozivu iha bankada Stade de France nian.
Ida ne’e hanesan esplozivu dahuluk hosi tolu iha kalan iha Stade de France. François Hollande, prezidente fransés, iha bankada sira no tenke evakua ba intervalu, hanesan mós ho nia konvidadu, ministru alemaun Negósiu Estranjeiru nian.
Noel Le Great, prezidente federasaun futeból franseza, konfirma duni ema na’in tolu nia mate iha odamatan J do Stade de France.
Grupu estremista koñesidu ho Estadu Izlámiku (EI) reivindika horisehik, iha komunikadu, atentadu sira iha loron-sesta iha Paris, ne’ebé hamate ema pelumenus 128, entre sira ne’e portugés na’in ida, no na’in 300 hetan kanek, 80 iha estadu grave. Terrorista na’in uali, sira na’in hotu oho-an uza sintu ho esplozivu, hodi hamosu atentadu ne’e, no sira mate, haktuir fonte polisiál franseza.
Atake sira akontese iha pelumenus fatin diferente neen iha sidade, entre sira ne’e sala espetákulu no estádiu nasionál ida, fatin hodi hala’o jogu futeból ida entre selesaun Fransa no Alemaña.
Fransa fó sai estadu emerjénsia no restabelese kontrolu ba fronteira sira iha sekuénsiabuat ne’ebé Prezidente François Hollande klasifika hanesan "atake terrorista ne’ebé molok ne’e seidauk akontese iha nasaun".
Internasionál portugés Cristiano Ronaldo garanti ona ba kanál televizaun inglés ITV katak hakarak hakotu nia kareira futebolista "ho dignidade" no la joga iha "Estadus Unidus, Qatar ka Dubai".
"Maibé, sei iha tinan neen no tinan hitu mai ha'u no ha'u hakarak hakotu kareia iha nível nebe aas liu, ho dignidade no iha klube boot ida", Cristiano Ronaldo hatete ba kanál televizaun ITV.
Cristiano Ronaldo, nebe iha FEvereiru 2016 sei kompleta tinan 31, semana ne'e ba Londres hodi aprezenta dokumentáriu kona-bá nia moris, nebe diriji hosi Anthony Wonke no estreia iha loron-segunda liubá.
Futebolista hosi Real Madrid halakon hipóteze hodi joga iha liga norte-amerikanu futeból nian (MLS), nebe iha ona naran sira hanesan Andrea Pirlo, Frank Lampard, David Villa, Didier Drogba ho Steven Gerrard, nune'e mós iha Qatar nebe joga Xavi Hernández.
"Ne'e la signifika katak ladi'ak joga iha Estadus Unidus, Qatar ka Dubai, maibé ha'u la hanoin joga iha ne'ebá", deklara hosi futebolista portugés.
Ronaldo, nebe tama iha Real Madrid iha 2009, nebe mai hosi Manchester United, ho dolár millaun 80, hanesan goleadór máximu iha istória klube merengue nian, ho golu 326 no jogu 315.
"Ha'u senti haksolok iha Real Madrid", Cristiano Ronaldo hatutan, maibé nia la hatene saida maka futuru sei rezerva.
Klube europeu barak maka hakarak jogadór ne'e, liuliu hosi Paris Saint-Germain no Chelsea no Manchester United, maibé nia seidauk loke oportunidade ba futuru.
"Mundu tomak hatene katak ha'u gosta tebes Manchester United, ha'u adora klube, maibé agora daudaun ha'u senti di'ak iha Real Madrid", Cristiano Ronaldo hatete.
Cristiano Ronaldo, nebe agora daudaun kaer Bola Osan-Mean, fiar katak Lionel Messi sei sai hanesan vensedór ba prémiu tuirmai, tanba prémiu ne'e desidi liuhosi votu sira.
"Tuir ha'u nia hanoin Messi maka sei mana'an tinan ne'e tanba troféu sira hanesan ne'e desidi liuhosi votu sira. Ó mana'an kompetisaun sira, mana'an Champions, mana'an Liga...Karik ha'u halo temprada ida nebe di'ak iha nivel individuál iha ha'u nia kareira. Ne'e hanesan susar. Ha'u la senti preokupadu ho tema ne'e, tanba ha'u hatete beibeik katak ha'u la hein atu mana'an dala tolu. No ha'u mana'an tiha ona", Ronaldo hatete iha deklarasaun sira ba ITV.
Maibé, jogadór hosi Real Madrid ne'e fiar katak nia sei konsege Bola Osan-Mean ba dala haat iha futuru.
"Ha'u fiar bainhira ha'u sei joven. Ha'u senti hanesan joven no fia'r katak bele mana'an fila fali. Ha'u sei joga tinan neen ka tinan hitu no ha'u iha kapasidade hodi mana'an nafatin títulu koletivu sira, nebe permiti ó hetan títulu individuál sira", hatete hosi portugés ne'e.
Ronaldo hakotu ho esplikasaun kona-bá nia relasaun ho jogadór arjentinu hosi Barcelona ne'e.
"Ha'u laiha rivalidade pesoál, ami iha relasaun ida normál. Ami fahe entre ami na'in rua Bola Osan-Mean hitu ikus ne'e. Aleinde ami, laiha ema ida maka halo hanesan ne'e iha pasadu. Nia joga ba klube ida. Ha'u joga ba klube ida seluk. Nia mana'an buat hotu nebe nia bele. Ha'u mós hanesan. Ami iha relasaun ida di'ak no ami respeita malu, no ami la'ós inimigu", nia hatutan.
