Inter Milão, ohin lakon iha uma rasik hosi Torino, ho 1-2, ne’ebé maka husik Fiorentina mesak iha pozisaun kuartu futeból Liga italianu nian, ne’ebé konkluí prova jornada 31.ª.
Ekipa milaneza ne’e , okupa iha kintu klassifikadu, ho pontu 55 ne’ebé tama moos iha ronda, altura ida ne'ebe, hanesan ho ekipa Paulo Sousa nian, ne’ebé moos laha’o jogu ladi’ak ho empate iha uma rasik ho Sampdória (1-1),ne’ebé maka iha nia jogu lima ona lamanán.
Agora iha pontu ualu ho líder, Roma (ne’ebé manán Lazio ho 4-1 halo despedimentu ba treinadór Stefano Pioli), ho Inter iha inísiu jogu hahú ho kapás, ho golu hosi Mauro Icardi (minutu 17), hosi marka penalidade ida.
Maibé, iha segunda parte, Torino, ne’ebé sa’e ba okupa 13.º (pontu 36, hanesan ho Empoli), konsege halo rekuperasaun, ho tentu Cristian Molinaro nian iha (55) no Andrea Belotti (73, liuhosi penalidade), ne’ebé laiha relasaun ho espulssaun brazileiru João Miranda (57) no japonés Yuto Nagatomo (72), hosi ekipa milaneza nian.
Hosi solusau temporáriu agora sai hanesan selesionador ba prazu naruk.
Gao Hongbo ne'ebé asumi, iha fulan-Fevereiru, interinu ba komandu tékniku hosi selesaun Xina nian, liutiha semana haat hafoin hasai tiha fransés Alain Perrin, agora konfirma ona hanesan treinadór, fó sai hosi Federasaun Xineza Futebol nian iha loron-sábadu ne'e.
"Durante períudu interinu Gao nian, espíritu hosi ekipa muda ba pozitivu no habilidade hosi treinadór hamosu konfiansa no hetan elojiu hosi jogadór sira", hatete hosi federasaun xineza liuhosi komunikadu bainhira fó hatene kona-bá kontratasaun ba títulu definitivu.
Iha fulan-Fevereiru, organizmu federativu afirma ona katak Gao Hongbo hanesan solusaun temporáriu ida no sei buka nafatin selesionadór ida ne'ebé bele kaer funsaun iha perspetivu hodi dezenvolve futebol xinés iha tempu naruk.
Gao Hongbo, ne'ebé sai ona selesionadór Xina nian entre 2009 no 2011, konsege ona apuramentu ida hosi selesau ba iha ronda ikus hosi klasifikasaun ba Mundial2018, ne'ebé sei hala'o iha Rúsia, asaun ida ne'ebé Xina la hetan hahú hosi 2002, ba vitória ida ho 2-0 hasoru Qatar iha loron-tersa.
Iha ronda datoluk no ikus hosi eliminatóriu aziátiku, ne'ebé Xina konsege tama ona, ekipa 12 hosi kontinente sei joga hasoru malu, fahe iha grupu rua ho ekipa neen, hodi bele hetan fatin haat ba asesu diretu ba Mundial2018.
Bielorusa Victoria Azarenka, iha pozisaun daualuk hosi "ranking" mundial no rusa Svetlana Kuznetsova, iha pozisaun 19 hosi "ranking", kualifika ona iha loron-kinta ba final hosi torneiu Miami nian iha Estadus Unidus.
Iha meia-final, Azarenka, ne'ebé iha semana rua liubá sai kampeaun hosi torneiu Indian Wells, iha mós Estadus Unidus, kualifika ona ba final ida tan, hafoin halakon tenista alemaun Angelique Kerber ne'ebé iha pozisaun datoluk iha "ranking" iha mundu.
Iha jogu daualuk iha kampu, jogadora bielorusa, ne'ebé buka hetan títulu datoluk iha Miami, hafoin manán iha tinan 2009 no 2011, halakon, ba dala hitu, Kerber, ne'ebé tinan ne'e manán Open Austrália, ho 6-2 no 7-5.
Iha final Miami, Azarenka sei hasoru malu ho veterana Kuznetsova ne'ebé hanesan kampeaun iha edisaun Miami tinan 2006.
Iha meia final, Kuznetsova, ho tinan 30, halakon suisa Timea Bacsinszky, iha pozisaun 20 iha "ranking", ho set rua 7-5 no 6-3, mantén nune'e vitória datoluk bainhira hasoru malu ho tenista helvétiku ne'e.
Iha final, Azarenka no Kuznetsova sei dezempata rejistu hosi konfrontu diretu sira, ne'ebé momentu ne'e sira na'in rua, ida-idak, iha vitória haat.
Hanesan ba dala tolu maka finalista na'in rua tinan 2016 nian hasoru malu iha Miami, iha dahuluk ho final ho vitória ba sira ida-idak.
Ba dala ikus bainhira sira na'in rua hasoru malu iha sirkuitu, iha kuartu final Open Austrália 2013, Azarenka manán, no manán konfrontu tolu ikus hasoru Kuznetsova.
Jogadora na'in rua sai ona mós hanesan visi-kampeaun hosi Estoril Open antigu, ne'ebé nia versaun foun "halakon" torneiu ba feto sira. Azarenka to'o iha final iha tinan 2007 bainhira Kuznetsova sai nu'udar finalista iha 2014.
Prezidente FIFA, Gianni Infantino, afirma iha kinta-feira ne’e katak sei labele muda eskandalozu uluk nian iha organizmu ne’ebé dirije, maibé di’ak liu aprende atu labele monu bá sala hanesan.
"Klaru katak labele muda buat ne’ebé uluk, maibé bele halo iha futuru no ami iha, ba ida ne’e. Ha’u hakarak konsentra lai ba futuru no aprende hosi buat ne’ebé uluk hodi labele komete sala hanesan", afirma dirijente ítalu-suísu, ho tinan 45, ne’ebé asume fulan ida ona prezidénsia FIFA nian, iha konferénsia imprensa iha Bogotá.
Gianni Infantino afirma katak laiha " fórmula ida májiku" maibé bele "servisu, entuziazmu no kontente" hodi supera krize institusionál no rekupera imajen futeból mundiál, ne’ebé nakdoko hosi eskándalu korrupsaun.
"Fórmula atu supera buat sira ne’e hotu maka servisu, entuziazmu no kontente. Ne’e maka presiza atu hala’o. servisu ho forma ida transparente, nakloke, sériu no profisionál", hatete Gianni Infantino.
Infantino hakotu iha kinta-feira ne’e iha Kolómbia viajen ida ba Amérika do Sul, ne’ebé inklui moos nasaun sira hanesan Paraguai, Uruguai no Bolívia.
"Ha’u hatene katak nia ema ida di’ak. Nia hakarak kontratu ha’u bainhira sei iha Chelsea, maibé Uli Hoeness [antigu prezidente Bayern] hatete mai ha’u katak nia lakohi atu negosia. Iha filosofia lahanesan ho Guardiola no simpátiku", afirma Ribery ba Gazzetta dello Sport.
Estremu ne’e hatutan tan katak istória Ancelotti nian konta hanesan ne’e no di’ak tebes bele servisu hamutuk ho nia.
"Nia manán títulu oioin ona iha klube barak, ne’ebé di’ak tebes servisu bele hamutuk ho nia ", nia hakotu.
