Saltar para: Posts [1], Pesquisa [2]

SAPO Desportu TL

Ter | 31.05.16

Florentino Perez: "Ronaldo hanesan meresedor dignu ba Bola Osan-Mean"

SAPO TL

Internasional portugés hanesan nomeadu ida ba Bola Osan-Mean iha tinan ne'e. 


 



@SAPO Desporto


 


Prezidente Real Madrid nian afirma ona, iha entrevista ba jornal españól Marca, katak Cristiano Ronaldo merese manán Bola Osan-Mean iha tinan ne'e hafoin konkista tiha Champions League no sai hanesan goleadór máximu hosi edisaun iha tinan ne'e.


 


"Ronaldo hanesan meresedor dignu ba Bola Osan-Mean", afirma ona hosi Florentino Perez iha entrevista ba Marca.


 


"Sei la sai hanesan frakasu ida. Ronaldo ko'alia buat ne'e hodi motiva. Bainhira ó sai eliminadu iha ronda dahuluk sira maka sai hanesan frakasu. La'ós atu manán beibeik, maibé ó tenki to'o iha ne'ebá", hatutan hosi dirijente "merengue" nian kona-bá liafuan sira hosi Cristiano Ronaldo antes hahú final Champions League bainhira nia hatete katak karik la manán troféu, époka sei hanesan fallansu ida.


 


@SAPO Desporto

Ter | 31.05.16

Nani no Bruno Alves integra ona ba preparasaun

SAPO TL

Falta deit Ronaldo no Pepe iha lista 23 ne’ebé eskolla hosi Fernando Santos.





Foto: © 2016 LUSA - Agência de Notícias de Portugal, S.A.


 


Bruno Alves no Nani integrara iha segunda-feira ne’e ba preparasaun Portugal nian iha Sidade Futeból, hodi haree preparasaun ba Europeu iha Fransa.


 


Hafoin iha final Taça Turkia, jogadór nain rua goza hodi deskansa loron balun molok hamutuk  ho  kontinjente portugés tuir orden Fernando Santos nian.


 


Ho  23, agora falta deit  Pepe no Cristiano Ronaldo ne’ebé manán iha findesemana ne’e kampeaun europeu iha servisu Real Madrid.


 


Portugal sei hasoru kinta-feira ne’e iha Wembley ho Inglaterra ne’ebé  sei iha tan enkontru preparasaun ida.


 


SAPO TL ho SAPO Desportu

Seg | 30.05.16

Pepe no Ronaldo hamutuk festeja 'Undécima'

SAPO TL

'Merengues' konkista  kampeaun europeu hasoru Atlético Madrid.





Foto: FACEBOOK


 


Real Madrid festeja iha domingu ne’e nia koskista ba 'Undécima' Liga dos Campeões iha Praça Cibeles, kapitál española, no internasionál portugés nain rua moos hola parte ba festa 'merengue' ne’e.


 


Cristiano Ronaldo partilla ho ninia seguidór sira iha Facebook fotografia ida ne’ebé iha Pepe nia sorin, kompañeiru selesaun CR7.


 


Rekorda katak Cristiano Ronaldo hanesan autor  iha penálti desizivu ne’ebé halo  Real Madrid hetan  triunfu hasoru Atlético Madrid iha  Milão.


 


SAPO TL ho SAPO Desportu

Dom | 29.05.16

Real Madrid campeão europeu pela 11.ª vez

SAPO TL

O Real Madrid sagrou-se hoje campeão europeu de futebol pela 11.ª vez, ao derrotar o Atlético de Madrid na final da Liga dos Campeões, por 5-3, no desempate por grandes penalidades, após empate 1-1 no fim do prolongamento.



No estádio San Siro, em Milão, em Itália, na reedição da final de 2014, em Lisboa, ganha pelo Real Madrid, Sérgio Ramos inaugurou o marcador aos 15 minutos, mas Ferreira-Carrasco repôs o empate para o Atlético e levou o jogo para o tempo extra, depois de o seu colega Griezmann ter desperdiçado uma grande penalidade no início do segundo tempo.


 


Depois de meia hora de prolongamento sem golos, Juanfran falhou o quarto remate da marca de grande penalidade para o Atlético de Madrid e Cristiano Ronaldo marcou o penálti decisivo para o Real Madrid, tornando-se o primeiro português com três títulos de campeão europeu.


 


@Lusa

Dom | 29.05.16

Real Madrid kampeaun europeu ba dala 11

SAPO TL

Real Madrid ohin sai kampeaun europeu futeból ba dala 11, bainhira halakon Atlético de Madrid iha finál Liga dos Campeões, ho 5-3, iha dezempate ho penalidade boot, hafoin empate 1-1 iha finál prolongamentu.



Iha estádiu San Siro, iha Milão, iha Itália, iha reedisaun finál 2014, iha Lisboa, Real Madrid mak manán, Sérgio Ramos sai markadór dahuluk iha minutu 15, maibé Ferreira-Carrasco halo empate ba Atlético no lori jogu ba tempu estra, hafoin nia kolega Griezmann la uza ho di’ak penalidade boot iha  inísiu tempu daruak.


 


Hafoin prolongamentu oras ho balun sein golu, Juanfran falla remate dahaat hosi marka penalidade boot ba Atlético de Madrid no Cristiano Ronaldo marka penálti desizivu ba Real Madrid, halo nia sai primeiru portugés ho títulu kampeaun europeu tolu.


 


SAPO TL ho Lusa


 

Sex | 27.05.16

Manchester United aprezenta Mourinho nu'udar treinador

SAPO TL

Agora hanesan ofisial, Manchester United konfirma José Mourinho nu'udar treinador foun. 


 



Foto: Site oficial Manchester United


 


José Mourinho sei kaer kargu nu'udar treinador Manchester United nian hahú hosi temporada 2016/17, hodi asina kontratu ida ba tinan tolu, ho opsaun ida hodi hela iha klube to'o pelumenus tinan 2020.


 


Bainhira fó sai kona-bá kontratasaun, visi-prezidente Manchester United nian, Ed Woodward, fó elojiu maka'as ba treinadór portugés.


 


"José hanesan treinadór di'ak liu iha futebol modernu. Nia manán ona troféu oioin no inspira ona jogadór di'ak sira hosi Europa. No loos duni, nia koñese di'ak Premier League, manán ona títulu tolu iha-ne'e.


 


"Ha'u hakarak aproveita oportuniade ne'e hodi simu nia iha-ne'e iha Manchester United. Nia istória susesu nian hanesan ideal hodi lori klube la'o ba oin".


 


José, ho tinan 53, konkista tiha ona kampeonatu oioin no Tasa sira iha nasaun haat (Portugal, Inglatera, Itália ho España), nune'e mós iha Champions League dala rua - iha tinan 2004 ho FC Porto no iha 2010 ho Inter Milan.


 


@SAPO Desporto

Sex | 27.05.16

Fenerbahçe lakon finál Taça da Turquia... no Nani hetan espulsaun

SAPO TL

Internasionál portugés sei halibur hamutuk ho komitiva Selesaun nian iha loron hirak tuir mai, iha Sidade Futeból.



Foto: HUGO DELGADO / LUSA


 


Fenerbahçe, orienta hosi treinadór Vítor Pereira no ho portugés Nani, Bruno Alves no Raul Meireles iha sira-nia kuadru, sai ohin ho lakon finál Taça da Turquia, bainhira lakon ho Galatasaray, 1-0, rezultadu hosi golu solitáriu .


 


Estremu portugés hanesan titulár iha ekipa Vítor Pereira nian, enkuantu defeza no médiu asiste enkontru iha bankada.


 


Nani hetan duni espulsaun hafoin apitu finál, bainhira sai hosi ekipa arbitrajen nia sorin no hakilar ba kámara televizaun "Ne’e la’ós futeból!" hahalok ne’e halo fó kartaun kinur dauk ba nia no mean.


 


SAPO TL ho SAPO Desportu

Qui | 26.05.16

Ronaldo admiti hakotu kareira iha Real Madrid

SAPO TL

Estremu portugés afirma katak nia haksolok iha Madrid no fiar katak sei konkista Champions. 


 



 


Cristiano Ronaldo afirma ona, iha loron-kuarta ne'e, katak hakarak hakoru nia kareira futeból nian iha Real Madrid. Iha entrevista ne'ebé fó ba kanal televizaun LaSexta, jogadór portugés garanti ona katak hanesan haksolok iha klube "merengue" no lakohi sai hosi Santiago Bernabéu.


 


Hodi halimar, Ronaldo garanti ona katak sei joga to'o tinan 41 no aviza ona katak klube sira ne'ebé iha interese ba nia kontratasaun tenki haluha sira nia hanoin ne'e.


 


Iha entrevista ne'e, avansadu "merengue" nia ko'alia mós kona-bá Zidane ne'ebé nia konsidera hanesan ema ida ne'ebé hanesan ho nia.


 


"Hanesan ema ida ne'ebé preparadu nafatin. Ladún ko'alia no hanesan pozitivu tebes. Ha'u hakarak manán (Champions League) no Zidane hela ho ami iha tinan barak nia laran. Ladún iha esperiénsia nu'udar treinadór maibé iha daudaun dalan di'ak ida", Ronaldo hatete.


 


Kona-bá final iha loron-sábadu, kapitaun hosi selesaun portugés nian admiti katak bainhira la manán Champions League, époka sei hanesan falla ida.


 


"Sei hanesan frakasu ida bainhira la manán Champions. Bainhira ó manán entaun temporada hanesan di'ak tebes. Bainhira ó lakon, hanesan frakasu ida. Ha'u fiar katak ami sei manán no temporada sei sai "top".


 


Kona-bá kestaun sira relasionadu ho nia estadu fíziku, Ronaldo la husik dúvida katak sei hatudu nia kondisaun di'ak tebes ba final Champions League nian.


 


Real Madrid ho Atlético Madrid joga iha loron-sábadu nian ba final hosi Champions League. Bainhira maná, ekipa Real Madrid sei konkista troféu 11 hafoin konsege tiha ida dasanuluk iha Estádio da Luz.


 


@SAPO Desporto

Ter | 24.05.16

Mourinho sei iha saláriu anuál euro millaun 15

SAPO TL

Treinadór portugés asina, iha loron-tersa ne'e, ho Red Devils, maibé sei aprezenta de'it iha loron-kuarta. 


 



Foto: Peter Powell / EPA


 


José Mourinho halo nafatin osan maka'as, maski serbisu ka la'e. Treinadór portugés prepara daudaun hodi simu osan euro millaun 15 ba époka ida bainhira asina ho Manchester United. Kontratu ho Red Devils sei vale ba tinan tolu, no nune'e sei halo euro millaun 45.


 


Aleinde ne'e, Manchester United hakarak "oferese" euro millaun 350 ba José Mourinho hodi "gasta" ba reforsu sira ba temporada foun.


 


Fó hanoin katak iha kontratu daruak ho Chelsea, Mourinho hetan lukru hamutuk euro millaun 13,5 no, maski klube demiti Mourinho iha fulan-Dezembru liubá, tékniku hosi Setubal ne'e simu nafatin hosi Blues folin ida ne'ebé hanesan indemnizasaun maski nia la serbisu.


 


@SAPO Desporto


 

Ter | 24.05.16

Manchester United ofisializa saída Van Gaal

SAPO TL

Klube inglés agradese ba servisu ne’ebé dezenvolve hosi tékniku olandés no garante katak  naran susessór  nian lakleur tan sei fó sai.





Foto: Lusa


 


Manchester United komunika iha segunda-feira ne’e saída  ba treinadór olandés Louis Van Gaal hosi komando tékniku ekipa futeból.


 


Iha  komunikadu  badak ne’ebé fó sai iha  portal ofisiál emblema inglés nian, Vise-prezidente ezekutivu, Ed Woodward, agradese ba esforsu no dedikasaun tomak  hosi  treinadór olandés no profissionalizmu Van Gaal nian iha tinan rua hamutuk ho 'red devils'.


 


"Ha’u hakarak  agradese ba Louis (Van Gaal) no nia staff  hotu  ba servisu di’ak ne’ebé  dezenvolve durante tinan rua no taka ho konkista Taça  Inglaterra 12ª  ba klube ( ne’ebé halo nia hetan títulu iha nasaun haat lahanesan). Nia  komporta ho profissionalizmu no dignidade durante nia tempu iha ne’e. Nia husik mai ita jogadór foin sa’e  ho konfiansa ne’ebé hatudu ninia kapasidade iha nível ida aas. Ema hotu iha klube ne’e dezeja ba nian susesu iha futuru", afirma Ed Woodward.


 


Emblema inglés ne’e moos garante katak  desizaun ba susesór Louis van Gaal lakleur tan sei fó.  Pratiku liu katak  José Mourinho maka  sei assume kargu treinadór Manchester United nian.


 


SAPO TL ho SAPO Desportu

Pág. 1/4