Tékniku katalaun lamenta ho espulsaun Bravo nian iha derrota hasoru Barcelona ho 4-0.
Foto: EPA/ALBERTO ESTEVEZ
Treinadór Manchester City lamenta ho derrota boot hosi nia ekipa iha deslokasaun ba Camp Nou, no afirma katak espulsaun Claudio Bravo iha parte daruak jogu nian maka hamosu akontesimentu hirak ne’e no kontribui ba rezultadu volumozu 4-0.
"To’o iha espulsaun ba Bravo jogu ne’e ekilibradu, ami iha adversáriu ne’ebé kontroladu. Maibé ne’e di’ak. Ami sei iha outubru, laós oitavus nein kuartu finál no iha semana rua nia-laran ami sei hasoru malu fila fali adversáriu ne’e. Ami tenki halo analiza saida maka ami seidauk halo di’ak hodi hadia iha jogu ne’ebé falta. Ami Joga ho personalidade maibé ho menus jogadór ida halo buat hotu sai difísil", konsidera treinadór katalaun hosi Manchester City.
"Karik ida ne’e maka ha’u nia derrota dahuluk hanesan treinadór? La’e, maka kontra Real Madrid bainhira iha Bayern. Ne’e, ha’u foti desizaun lalós", haktuir Pep Guardiola kona-ba derrota hasoru Barcelona ho 4-0.
Defeza sentrál portugés sai titular iha vitória Real Madrid nian hasoru Légia de Varsóvia.
Foto: PIERRE-PHILIPPE MARCOU / AFP
Real Madrid marka golu barak iha tersa-feira ne’e hasoru Légia de Varsóvia ho 5-1, iha jogu ne’ebé konta ba jornada datoluk faze grupu Liga dos Campeões, no fó hakat ida importante ba apuramentu nian ho pontu hitu iha jogu tolu.
"Ami Joga di’ak. Treinadór hakarak atu ami halo presaun maka’as no ami tenta kumpri intensaun ne’e no sempre respeita adversáriu sira. Ami hakarak marka golu barak. Ami iha plantel ida ho kualidade di’ak. Sira ne’ebé tama iha kampo ajuda malu no ida ne’e importante. Ami iha jogadór sira ho vontade di’ak , afirma internasionál portages ne’e.
"Ha’u sempre ajuda Real Madrid, klube ne’ebé ha’u gosta tebes. Negosiasaun sira kona-ba renovasaun to’o ona tempu. Ha’u hakarak tebes atu klube bolu ha’u hodi koa’lia kona-ba ida ne’e maibé ha’u sente hakamatek. Dirijente Real sira hatene katak ne’e ha’u nia uma", haktuir Pepe.
Manchester United empata hasoru Liverpool, iha jogu intensu maibé laiha golu.
Foto: EPA/Peter Powell
Liverpool no Manchester United hala’o jogu ida ho intensu iha ohin, maibé sein golu, iha enserramentu ba jornada daualu 'Premier League', kampeonatu futeból inglés nian.
Ekipa hosi klube istóriku boot rua iha Inglaterra luta maka’as liu iha kampo klaran, iha jogu ne’ebé defeza sira konsidera forte liu duké atake, hodi halo na’in rua hetan 'kastigu' ho 'nulu'ida ne’ebé halo atraza liu ba na’in rua iha prova.
Liverpool, ne’ebé bele alkansa iha ba lideransa Manchester City no Arsenal ho pontu 19, ikus mai tenki mantein nafatin iha klasifikasaun dahaat, ho 17. Kuantu ba Manchester United, nafatin okupa iha sétimu, ho 14, hela pontu lima hosi lideransa prova nian.
Figura di’ak liu United nian, klube ne’ebé treinadu iha époka ne’e hosi José Mourinho, maka guarda-rede De Gea, evita golu hosi remate Emre Can, iha minutu 58, no Philippe Coutinho, iha 71.
Ezibisaun De Gea kontráriu ho Zlatan Ibrahimovic ne’ebé lamosu, dala ida ne’e nia lakonsege 'salva' formasaun Manchester, ne’ebé Wayne Rooney atua iha minutu balun ikus nian.
Galego sira agora okupa iha pozisaun 12.ª ‘La Liga’, ho pontu 10, menus ualu duké líder Atlético Madrid.
Villarreal iha ohin alkansa pontu hanesan ho FC Barcelona iha tabela klassifikativu Liga española, hafoin manan Celta Vigo ho 5-0, iha jogu ba jornada daualu nian.
Ho golu rua lori deit minutu haat (ualu no 12), italianu Soriano halo ekipa uma-na’in ba golu ida barak. kongolés Bakambu (38) halo terseiru iha estádio El Madrigal, ho dinamarés Wass ‘trai’ Celta Vigo, ho autogolu iha minutu 48.
Españól Trigueros, halo tan iha prolongamentu (90+2), taka rezultadu ne’ebé permite ba Villarreal mantein iha pozisaun lima kampeonatu españól, iha pontu 16 hanesan ho FC Barcelona.
O Sporting qualificou-se hoje para a quarta eliminatória da Taça de Portugal de futebol, depois de se estrear na competição com uma vitória por 1-0 no terreno do Famalicão, da II Liga.
O único golo da partida da terceira ronda foi apontado pelo sérvio Lazar Markovic, aos 10 minutos, e foi suficiente para a equipa 'leonina', com muitas alterações no 'onze', seguir em frente na Taça, em busca de um troféu que conquistou pela última vez em 2014/15.
O Famalicão, que segue no 18.º lugar da II Liga e que ficou sem o treinador Ulisses Morais dois dias antes do jogo, despede-se da Taça de Portugal, tal como já tinha acontecido na Taça da Liga.
Sporting kualifika iha ohin ba kuarta eliminatória Taça Portugal nian, hafoin estrea iha kompetisaun ho vitória 1-0 iha terrenu Famalicão, II Liga .
Golu úniku iha jogu ba ronda datoluk ne’e aponta hosi sérvio Lazar Markovic, iha minutu 10, no sufisiente ona ba ekipa 'leonina', ho alterasaun barak iha ekipa'onze', hakat ba oin iha Taça ne’e, atu bele hetan troféu ne’ebé konkista ikus liu iha 2014/15.
Famalicão, ne’ebé okupa iha 18.º II Liga no laiha treinadór Ulisses Morais loron rua molok jogu ne’e, despede hosi Taça Portugal, hanesan moos akontese tiha ona ihaTaça Liga nian.
Antigu jogadór futebol koñesidu sira hosi mundu tomak marka ona prezensa iha jogu solidariedade ne'e.
AFP Photo
Portugés Rui Costa, arjentinu Diego Maradona, brazileiru Ronaldinho, italianu Francesco Totti no figura sira hosi futebol mundial halibur malu iha loron-kuarta ne'e iha Roma ba "Play of Peace", hodi hatán ba apelu hosi Papa Francisco.
"Ami iha ne'e hodi joga ba dame, ba dame iha Mundu tomak", Maradona hatete antes rona apitu hodi hahú jogu amigável ne'ebé partisipa mós nia kompatriota arjentinu sira Hernán Crespo ho Juan Sebastián Verón, brazileiru Cafú, Frédéric Kanouté, hosi Mali, ka fransés Vincent Candela, no antes ne'e Papa simu tiha ona sira iha Vatikanu.
"Play of Peace" hanesan inisiativu solidariedade ida ne'ebé Papa Francisco harii, no nia osan sira sei haruka ba Scholas Occurentes, rede internasional ida ne'ebé halibur eskola hamutuk 400.000 iha kontinente lima nia laran.
Portugál moos garante ona prezensa iha Kampeonatu Europa.
Foto: MICHAL CIZEK
España, prezensa abituál iha faze finál Europeu sub-21, forma ho Áustria, Noruega no Sérvia kuartetu selesaun ne’ebé sei liu hosi 'play-off' atu asesu ba edisaun 2017.
Kampeaun europeia sub-21 iha 2001 no 2013, España termina ninia kampaña iha Grupu 6 ho vitória ida hasoru Estónia (5-0), maibé hela pontu ida hosi Suécia, detentora títulu nian, ne’ebé halakon Croácia (4-2) no segura pozisaun dahuluk.
Españól, austríaku, noruegés no sérviu sai hanesan segundu klassifikasaun di’ak liu hosi grupu sira(konta deit rezultadu ho primeiru, terseiru, kuartu no kintu) no iha oportunidade ikus ba apuramentu, liuhosi eliminatória ne’ebé hala’o dala rua (07 no 15 novembru), ho ninia sorteiu sei realiza sesta-feira ne’e.
Portugál, vise-kampeaun, Alemaña, Dinamarka, Eslovákia, Inglaterra, Itália, Macedónia, República Checa no Suécia, vensedór sira iha grupu, hanesan selesaun ne’ebé kualifikadu ona hamutuk ho Polónia, anfitriã iha faze finál, entre 16 no 30 juñu 2017. Fransa sai hanesan úniku selesaun aas ne’ebé sai tiha ona.
