Golu ida hosi Bas Dost, iha minutu 90+3, permite iha ohin ba Sporting iha uma Belenenses nian ho 1-0, iha jogoba jornada 15.ª jornada I Liga.
Iha tempu ne’ebé empate parese hanesan rezultadu finál, internasionál olandés aproveita poste daruak ba kruzamentu ida hosi kosta-rikeñu Joel Campbell no marka golu ba vitória 'leonina' nian.
Vitória ne’e permite ba Sporting mantein iha fatin dahaat ho pontu 30, hela pontu rua hosi klasifikasaun datoluk, Sporting Braga, enkuantu Belenenses tuun fatin ida, ba 11.º, ho pontu 17.
Inter Milão iha ohin hakbesik iha fatin asesu ba kompetisaun europeia, hafoin hasoru no halakon Lazio, ho 3-0, ho golu ‘rua’ hosi Icardi, iha jornada 18.ª kampeonatu italianu.
Sein internasionál portugés João Mário, hetan kastiga, formasaun uma-na’in hetan vitória ba golu hotu iha tempu daruak no hosi jogadór arjentinu sira.
Médiu Banega loke kontajen,iha minutu 54, no Icardi aumenta tan vantajen hafoin liu deit minutu balun, iha 56. Internasionál arjentinu halo golu daruak, iha 65, no sai markadór di’ak liu a Serie A nian ho golu 14, liu rua duké bósnio Edin Dzeko (Roma).
Ho vitórai ne’e, Inter Milão reforsa fatin dahitu no koloka provizóriu pontu tolu ba iha fatin ne’ebé hetan asesu direta ba Liga Europa iha époka oin mai.
Iha parte seluk, Lazio mantein iha klasifikasaun dahaat, hanesan ho Nápoles, ne’ebé iha kinta-feira ne’e vizita terrenu Fiorentina, hosi portugés Paulo Sousa.
Maski hahú époka ne'ebé ladún konvinsente, José Mourinho karik agora konsege orienta ona Manchester United iha dalan loos no administrasaun klube nian konfiante iha tékniku portugés nia susesu iha 'red devils' nia komando.
Jornal The Guardian hakerek katak administrasaun klube nian hosi Manchester hanoin daudaun atu halo naruk Mourinho nia kontratu, hanesan dalan hodi hatudu fiar iha tékniku luzu nia kapasidade.
Mourinho agora iha kontratu válidu to'o 2020 maibé hatudu ona katak nia hakarak hela iha Manchester kleur.
FC Porto manán iha kalan ne’e hasoru Chaves ho 2-1. Dragaun fila fali rezultadu liuhosi markadór, hafoin tama ba intervalu ho desvantajen.
António Filipe, guardiaun ne’ebé iha kalan ne’e sai titular hasoru FC Porto, refere uniaun hosi ekipa no jogu di’ak ne’ebé Chaves halo iha estádiu Dragaun.
Análize
"Ami hatene katak difísil tebes joga iha estádiu ne’e. Ami tenta kontra poderiu FC Porto nian, maibé difísil. Ami sai ho oin no hakarak agradese ba adeptu sira.
Ami sempre hanoin katak iha posibilidade. Ohin la’e. kontinua nafatin serbisu tan".
Saída Jorge Simão nian?
"Ami iha grupu serbisu ida fantástiku no ho uniaun maka konsege halo jogu ida di’ak iha ne’e "
Siklu foun?
"Hein deit atu bele haree no serbisu"
Oda-matan nakloke atu sai titular
"Ha’u sempre serbisu iha tempu oin mai hodi bele konsege titularidade ne’e"
Internasional italianu, Gianluigi Buffon hakarak lori tinan naruk iha futebol ba nível foun ida. Tuir guarda-rede Juventus nian ho tinaan 38. segredu hosi tinan naruk iha futebol maka iha mehi sira no objetivu sira hosi jogador ida-idak, no tanba ne'e senti katak bele joga to'o "tinan 65".
"Agora daudaun, ha'u senti katak ha'u bele joga to'o tinan 65. Iha moris laiha buat ida maka la posivel. Mehi sira tenki mosu no hanesan buat ne'ebé furak liu iha mundu, dezde ita sai honestu ba aan rasik no ita tau paixaun no hakarak iha buat hotu ne'ebé ita halo", afirma hosi Gianluigi Buffon.
"Ho tinan 31 ha'u iha operasaun delikadu ida no ema barak hatete katak sei la joga fali. Liutiha ona tinan ualu no ha'u iha ne'e, ha'u iha dezeju no pasiénsia hodi halo supreza buat hotu no ema tomak, até ba ha'u", hatutan hosi internasional italianu.
Avansadu uruguaiu konsidera katak agora daudaun laiha jogador ida iha nível duké Lionel Messi halo iha kampu.
Foto@ Miguel Angel Molina /EPA
Luis Suárez hahú hetan susar hodi hili liafuan sira hodi defini Lionel Messi nia matenek, no iha loron-domingu ne'e, hafoin hatudu espetákulu ida luxu nian hosi parte númeru 10 arjentinu nian hasoru Espanhol, avansadu uruguaiu la subar nia admirasaun ba jogador ida ne'ebé espetakular tebes.
Iha deklarasaun sira ba MoviStar Plus, Luis Suárez hatudu admirasaun maka'as ba Messi nia talentu hafoin vitória iha dérbi ho Espanhol iha Camp Nou ho 4-1.
"Ha'u prefere atu Messi maka hakotu lanse hosi ha'u nia golu daruak. Buat ne'ebé nia halo hanesan loloos obra arte nian, buat ne'ebé ita bele haree de'it iha Playstation. Hanesan jogadór úniku ida", Suárez hatete.
Líder na’in rua sei hasoru-malu iha kuarta-feira ne’e.
Foto: CHRISTOF STACHE
Golu ida hosi Douglas Costa permite iha domingu ne’e ba Bayern Munique manán ho 1-0 iha terrenu ‘lanterna vermelha’ Darmstadt, ba jogu jornada 15.ª a Liga alemã, no hamutu fali iha ho Leipzig iha lideransa prova nian.
Vitória hosi tetrakampeaun jermániku só konsege iha minute 71, ho golu ida hosi avansadu brazileiru, ne’ebé iha minutu 90+2 hetan substitui hosi internasionál portugés Renato Sanches.
Formasaun bávara fahe lideransa Bundesliga ho Leipzig, ne’ebé iha sábadu okupa provizoriu iha komando, manán iha uma hasoru Hertha Berlim ho 2-0.
Bayern Munique, ne’ebé assume lideransa ho golu markadu liu, vizita iha kuarta-feira ne’e hasoru Leipzig, iha enkontru ba jornada 16.ª.
Portugés manán ona, foin lalais ne'e, nia Ballon d'Or ba dala haat.
Vicente del Bosque halo ona parte barak hosi nia kareira nu'udar jogador no treinador Real Madrid nian no, hanesan ema ida ne'ebé hatene klube nia istória, nia konsidera ona Cristiano Ronaldo hanesan jogadór di'ak liu ne'ebé maka joga ona iha Real Madrid.
"Hanesan jogadór di'ak liu iha Real Madrid nian istória hosi rejistu sira ne'ebé iha, maibé la valoriza mós jogador sira seluk", nia destaka.
Cristiano Ronaldo, tinan 31, hahú hosi tinan 2009/10 joga iha Real Madrid, no iha kontratu ho madrilento sira to'o fulan-Juñu 2021.
Tentativu ne’ebé marka ba América iha Mundial klube nian fixa ona númeru redondu.
Foto: SAPO Desporto
Cristiano Ronaldo to’o ona iha golu 500 ho klube durante nia karreira. Iha meia-finál Kampeonatu Mundu Klube nian, estremu portugés ne’e marka golu daruak iha vitória ho 2-0 hasoru América no atinje númeru redondu.
Atu to’o ba meiu millar ho golu, Ronaldo presiza jogu 691 no klube tolu. Tentu ne’ebé aponta hosi portugés hafahe entre tempu iha Sporting (golu lima), Manchester United ( golu 118) no atuál Real Madrid ( golu 377).
Númeru redondu tuir mai iha 'mira' CR7 nian maka golu 100 iha kompetisaun europeia. Iha agora, jogadór 'merengue' ne’e halo ona golu 98 iha futeból Europa.
