Vensedór sei fó sai iha loron 09 Janeiru iha Zurike.
Cristiano Ronaldo, Lionel Messi ho Antoine Griezmann hanesan finalista na'in tolu hodi konkore ba prémiu jogador di'ak liu iha mundu ne'ebé fó hosi FIFA, fó sai hosi organizmu ne'ebé kaer futeból mundial iha loron-sesta ne'e.
FIFA antes fó sai tiha ona lista ida ho naran 23, ne'ebé agora hamenus ba jogadór koñesidu hosi Real Madrid, Barcelona ho Atlético Madrid, Vensedór sei fó sai iha loron 09 Janeiru iha Zurike.
Portugés Cristiano Ronaldo manán ona iha tinan ne'e Champions League, no sai dala ida nu'udar markadór di'ak liu iha kompetisaun, no Kampeonatu Europa nian iha selesaun portugeza.
Fransés Antoine Griezmann joga di'ak mós iha Europeu, to'o iha final, no iha Champions League, maibé iha kompetisaun rua ne'e nia lakon iha jogu sira ne'ebé todan, kuriozu tebes hasoru ekipa sira Cristiano Ronaldo nian.
Lionel Messi hetan tinan ida ne'ebé ho nível ne'ebé aas, ho golu hamutuk 26 aponta bainhira konkore ba títulu españól hosi Barcelona. Ajuda mós Arjentina to'o iha final Kopa Amérika Sentenáriu nian, maibé ekipa "pampas" monu iha enkontru ikus hasoru Xile.
Iha tempu ne’ebá, jogadór ne’e hanesan ema ne’ebé di’ak liu hosi Sporting.
Foto: EPA/EMILIO NARANJO
Eis-prezidente Barcelona, Joan Laporta, fó sai katak Cristiano Ronaldo la’os oferese hosi emprezáriu Jorge Mendes, bainhira nia sei joga hosi Sporting.
“Ami kontrata maka Ronaldinho, Márquez ho Quaresma. Ami atu hadia hikas klube ne’e. Ronaldo iha hela Sporting, molok ba Man. United no ninia ajente hakarak faan Deco ba ami. Ami dehan katak labele, tanba ami labele hasa’i tan osan no nia dehan hikas baa mi katak, sei iha labarik mane ida ne’ebé di’ak”, dehan eis-dirijente iha Desafio Nacex, eventu ne’ebé baibain hala’o molok klásiku Barcelona ho Real Madrid.
Laporta esplika tan katak Jorge Mendes iha tempu ne’ebá fó sai katak, nia husu euros milloens 19, atu avansadu ne’e ba Manchester United, maibé katalan faan ho 17ME.
Jogadór avansadu ne’e, transfere hosi Sporting ba Manchester United iha tinan 2003/04.
Ekipa 'merengue' iha ohin konfirma apuramentu ho golu barak hasoru Cultura Leonesa ho 6-1.
Foto: Lusa
Real Madrid konfirma iha ohin apuramentu ba oitavu finál Taça Rei futeból España nian ho goleadu foun hasoru Cultural Leonesa, dala ida ne’e ho 6-1, iha Estádio Santiago Bernabéu.
Maski lahó Cristiano Ronaldo no abituál titular sira seluk, ne’ebé poupa hosi tékniku Zinedine Zidane, ‘merengues’ nafatin superior ba emblema hosi eskalaun datoluk, ne’ebé halakon ona ho ho 7-1 iha jogu dahuluk.
Internasionál portugés Pepe sai titular iha sentru defeza, hosi enkontru ne’ebé sai hanesan figura boot liu maka avansadu venezuelanu Mariano Díaz, ne’ebé halo ‘hat trick’, iha minutu ida, 42 no 87.
Momentu di’ak liu ida seluk iha jogu ne’e ba estreia Enzo nian, ona hosi Zidane, ne’ebé tama iha kampu hahú tempu daruak no aponta golu dahaat hosi ninia ekipa, iha minutu 63.
Kolombianu James Rodriguez, eis-jogadór FC Porto, moos marka, iha minutu 23, no Morgado, ho autogolu ida iha tempu prologamentu, taka kontajen. Yeray Gonzalez, iha 45, halo tentativa onra ida hosi Cultural Leonesa.
