Treinador katalaun sira nian defende médiu portugés iha final susar ida ba vitória (2-1) hasoru Leganés.
Luis Enrique, treinador Barcelona nian, la gosta tratamentu hosi adeptu sira ba André Gomes iha jogu loron-domingu ho Leganés, ne'ebé katalaun sira manán maski susar ho 2-1. Internasional portugés simu hakfuik iha momentu ne'ebé nia hetan substituisaun, iha ona minutu ikus sira jogu nian.
"Ha'u la entende hakfuik sira ba André Gomes. Ha'u la entende duni hakfuik jogador sira hosi ekipa rasik", tékniku hatete ba jornalista sira. "Ha'u senti haksolok ho André Gomes, tanba buat ne'ebé halo ita sai forte liu maka apoia malu", nia hatete.
Treinador, ne'ebé simu mós protestu hosi adeptu "culés" sira, simu hasoru protestu no asumi responsabilidade ba momentu atual ekipa nian.
"Hakfuik mai ha'u. Laiha problema ida. Hanesan lójiku atu imi hakfuik mai ha'u hafoin akontesimentu iha Paris. Hakfuik mai ha'u no ha'u sei la falla lanse ruma no ha'u aseita krítika ruma", garanti hosi treinador.
Barcelona tenki terus hodi manán iha estádiu rasik hasoru Leganés, ho 2-1, ho penálti ida hosi Messi ne'ebé rezolve jogu iha minutu rua antes hotu. Antes, katalaun sira lakon ona hasoru PSG ho 4-0, iha jogu dahuluk hosi oitavu-final Champions League nian.
Penalte iha minutu ikus 'salva' FC Barcelona hosi empate ho Leganés.
Foto: QUIQUE GARCIA
Penalidade ida, ezekuta hosi Lionel Messi iha minutu 89, iha ohin permite ba FC Barcelona halakon Leganés, ho 2-1, iha jogu ba jornada 23.ª liga española.
Loron lima hafoin lakon maka’as hasoru Paris Saint-Germain, ho 4-0, iha Liga Campeões, katalaun sente fila fali difikuldade boot atu halakon Leganés, ne’ebé lamanán durante jogu 11.
Iha Camp Nou, Messi fó vantaje ba FC Barcelona liu minute haat, hafoin pase ida hosi Luis Suárez, ne’ebé bele halo vitória ida hakmatek ba ‘blaugrana’.
Lahó ona André Gomes, substitui iha minutu 80, FC Barcelona to’o duni vitória, hosi Messi, liuhosi markasaun ba penalidade ida, kastigu tanba falta ida hasoru Neymar.
Ho vitória ne’e, FC Barcelona rekupera fatin daruak, ho pontu 51, hela ida hosi Real Madrid, ne’ebé iha menus jogu rua, no liu pontua rua duké Sevilha.
Molok jogu Barcelona, Celta Vigo sa’e ba okupa iha fatin dasia, ho vitória ida hasoru lanterna-mean Osasuna, ho 3-0, ho golu hosi Sisto ( minutu 23), Jozabed (87) no Iago Aspas (89).
Bayer Leverkusen, iha loron-sesta ne'e, manán Augsburgo ho 3-1, mantén iha dalan hodi hetan fatin europeu sira nian iha dezafiu ne'ebé loke jornada ba dala 21 hosi kampeonatu alemaun futebol nian.
Bellarabi (iha minutu 23) no ‘Chicharito’ Hernández (iha minutu 40 ho 65) maka halo triunfu forasteiru hasoru ekipa ida ne'ebé marka de'it golu ida ne'ebé halo hosi Kohr (minutu 60).
Nune'e, Bayer Leverkusen agora daudaun sa'e ba pozisaun ualu provizóriu, ho pontu 30, menus pontu hosi klube ne'ebé iha pozisaun neen, ne'ebé vale fatin ida iha Liga Europa, bainhira Augsburgo iha pozisaun 13 ho pontu 24, sei iha folga pontu ualu hodi labele hetan despromosaun.
Iha loron-sábadu, líder Bayern Munique sei vizita Hertha Berlim, Borussia Dortmund, Benfica nia adversáriu iha Champions League, sei tenta hadi'a pozisaun haat iha jogu hasoru Wolfsburgo.
Tékniku portugés senti satisfeitu ba vitória ho 3-0 hasoru Saint-Étienne.
Foto: SAPO Desporto
Manchester United manán iha kinta-feira ne’e hasoru fransés hosi Saint-Étienne ho 3-0, iha jogu ne’ebé konta ba parte dahuluk 16 finál Liga Europa nian, no fó pasu ida importante iha apuramentu ba faze tuir mai. Tanba ne’e, José Mourinho lakonsidera eliminatóriu ne’e hotu ona hasoru emblema istóriku fransés, maibé admite katak vantajen importante ida ba iha jogu parte daruak.
"Konsentrasaun lahetan iha tempu dahuluk. Ami komesa halo sala perigozu iha zona defensivu,Ami neineik liu konstrui jogu no laiha movimentu iha atake", afirma treinadór Manchester United hafoin remata jogu.
"Iha tempu daruak istória seluk fali. Ami lalais liu. Laós jogu ida perfeitu tanba dalabarak ami lakon bola, maibé di’ak. Eliminatóriu seidauk hotu, maibé ne’e rezultadu di’ak", hatutan tékniku portages ne’e.
"Ami kria oportunidade di’ak. Importante liu konsege hetan vitória di’ak iha uma-rasik no lori ba jogu parte daruak. Ne’e jogu ida kapás, maibé ha’u hanoin katak ami bele halo di’ak liu tan", haktuir treinadór Manchester United.
Real Madrid manán Nápoles ho reviravolta ba rezultadu.
Foto: Lusa
Real Madrid iha ohin manán Nápoles ho 3-1, iha enkontru ba dahuluk oitavu finál Liga Campeões, ne'ebé hala’o iha Santiago Bernabéu, Madrid.
Italianu Lorenzo Insigne marka uluk ba vizitante, iha minutu ualu, ho ekipa Zinedine Zidane fó volta rezultadu liuhosi golu fransés Karim Benzema (19), hosi alemaun Toni Kroos (49), ida ne’e ho asssiténsia hosi Criatiano Ronaldo, no brazileiru eis-FC Porto Casemiro (54).
Aléinde Cristiano Ronnaldo, ba jogu ne’e konta moos portugés seluk, Pepe, ne’ebé tama ba Real Madrid iha minutu 71.
"Futeból ne’e nune’e. Só penas kona-ba forma oinsa joga dezde inísiu, ho intensidade ne’e, ami sofre golu ida. Ami reaje, marka no tama foun fila iha jogu. Rezultadu ida ne’ebé ami hein, maibé lasufisiente.Iha jogu tuir mai kontinua ho pursentu 50 ba kada parte. Ha’u hatene katak ami sei hasoru difikuldade boot. Buat ida ne’ebé ha’u gosta tebes maka lebele sofre golu, tanba hanesan ne’e eliminatória seidauk deside", afirma treinadór Real Madrid, Zinedine Zidane, hafoin jogu remata.
Jogu ba parte daruak marka ba 07 fulan-marsu, iha San Paolo, iha Nápoles (Itália).
Dí Maria halo ezibisaun ida luzu tebes iha ninia loron aniversáriu ho aponta golu rua hasoru 'catalães'.
Foto: LIONEL BONAVENTURE / AFP
Paris Saint-Germain manán iha tersa-feira ne’e hasoru Barcelona ho 4-0, iha jogu ne’ebé konta ba parte dahuluk oitavu finál Liga Campeões nian, no garante forma ne’e ho vantajen ida konfortável iha deslokasaun ba Camp Nou ba enkontru ba parte daruak nian.
Simu Barcelona, formasaun parisiense laintimida ho estatu 'catalães'nian iha Europa no tenta dezde hahú tuir sira nia ritmu iha Parque dos Príncipes. Iha minutu18, Di María hetan oportunidade halo markasaun livre diretu ida ba baliza Barcelona, ho remate ida perfeitu tebes halo 1-0 ho klasse aas.
Barcelona ho André Gomes no Iniesta iha klaran tenta halo reajen ba desvantajen ne’e, maibé dezatensaun ida ladun abituál hosi Lionel Messi permite ba Paris Saint-Germain rekupera bola iha zona proibida no hanaruk tan vantajen hosi intermédiu Draxler iha minutu 40.
Iha tempu daruak pratikamente hahú ho golu antologia ida hosi Angél Di María iha minutu 55. Internasionál arjentinu ne’e konsege arranja fatin tama iha área Barcelona ho simulasaun liuhosi remate ida ho ángulo haluan tan markadór ba 3-0.
Lakon ho 3-0, Luis Enrique hasai André Gomes hosi jogu no hatama Rafinha. Paris Saint-Germain kontrola jogu, no iha minutu 71 Cavani fixa rezultadu finál ba 4-0.
Ho rezultadu ne’e, Barcelona iha tarefa ida komplikadu tebes ba jogu tuir mai iha Campo Nou. Ba Paris Saint-Germain konfirma ona momentu di’ak iha Liga Campeões no garante vitória istórika ida iha prova ne’e.
Manchester City manán 2-0 iha uma Bournemouth no hakat ba fatin daruak.
Foto: EPA/GERRY PENNY
Manchester City iha ohin manán Bournemouth ho 2-0, ho nune’e hakat ba fatin daruak liga ingleza, hela pontu ualu hosi líder Chelsea, ne’ebé kumpre ona jornada 25.
Sterling sai titular iha jogu ne’e, hafoin haree guarda-rede dezvia, tuituir-malu, ninia remate ida kona baliza, iha 26, liu minutu tolu mosu poste daruak aproveita kruzamentu ida hosi Sané, ne’ebé hetan dezvia hosi defeza, halo inaugurasaun ba markadór.
Bournemouth ekilibra dezafiu ne’e nomós hetan oportunidade atu halo empata, maibé Sterling (69) kria golu daruak, hakat liu to’o liña ikus no halo kruza atrazadu ida ba Kun Aguero, maski dezviu hosi arjentinu ne’e lasai desizivu iha trajetória, ba baliza, kona ain hosi Tyrone Mings.
Iha 84, Sané, ho lanse individuál, aserta iha trave, ne’ebé bele sai hanesan golu datoluk.
Ho rezultadu ne’e, Manchester City sa’e ba okupa iha fatin daruak, ho pontu 52, hela ualu hosi Chelsea, ne’ebé empata 1-1 iha uma Burnley.
Hafoin lakon 2-0 iha vizita ba Liverpool, Tottenham tuun liu ba fatin datoluk, ho pontu hanesan 50 ho Arsenal no liu pontu ida duké ninia‘karrasko’, enkuantu Manchester United hosi José Mourinho iha fatin daneen ho pontu 48.
Hull City hosi Marco Silva, ne’ebé lakon 2-0 iha vizita ba Arsenal, iha fatin 18.º eno antepenúltimu, ho pontu 20, fatin ikus liu, maibé ho 'salvasaun' ida, okupa hosi kampeaun Leicester.
Chelsea empata iha ohin ho golu ida hosi vizita ba Burnley, jogu ba jornada 25.ª liga ingleza, prova ne’ebé kontinua lidera nafatin ho konfortável, ho pontu vantajen 10 ba Tottenham, iha fatin daruak.
Formasaun ne’ebé orienta hosi Antonio Conte,bele aumenta diferensa pontuál ho Tottenham, lakon iha sábadu ne’e hosi Liverpool, ho 2-0, inaugura markadór iha minutu hitu, hosi intermédiu españól Pedro.
Iha minutu 24, Robbie Brady aponta golu ne’ebé halo empate ba Burnley, rezultadu ne’ebé permite ekipa sa’e ba fatin 12.º tabela nian, iha pontuál (30) hanesan ho Watford no Southampton.
Iha jornada 25.ª liga ingleza taka iha segunda-feira ne’e ho resesaun Bournemouth ba Manchester City, ne’ebé, karik vitória, bele 'katak' hosi lima ba fatin daruak.
Bayern nia treinador admiti iha ekilíbriu boot ida entre ekipa sira ne'ebé partisipa iha edisaun hosi prova ne'e.
Carlo Ancelotti, Bayern Munique nia treinador, konsidera katak iha de'it ekipa hitu ne'ebé, agora daudaun, iha kapasidade hodi manán Champions League.
"Kompetisaun ne'e bele konkista hosi ekipa hitu: Real Madrid, Bayern, Barcelona, Juventus, Atlético Madrid, PSG ho Manchester City", afirma hosi Carlo Ancelotti, iha deklarasaun sira ba Corriero dello Sport.
Selesaun portugeza, kampeaun europeia futebol nian, mantén fatin daualuk iha 'ranking' FIFA, ne'ebé kontinua lidera hosi Arjentina, tuir Brazil no kampeaun mundial Alemaña.
Iha pozisaun sanulu dahuluk sira verifika ona, relasionadu ho fulan-Janeiru, alterasaun ki'ik ida, ho Fransa sa'e ba pozisaun neen troka ho Kolómbia ne'ebé tuun ba fatin dahitu.
Realizasaun hosi Tasa Nasaun Afrikanu sira nian (CAN2017) hamosu mudansa importante sira, ho kampeaun Kamaraun okupa agora fatin 33, ho subida pozisaun 29, no Ejiptu, finalista ne'ebé lakon, tama ih a23 ho progresaun ida hosi postu 12.
Burkina Faso, selesaun ne'ebé treina hosi portugés Paulo Duarte, klasifikadu datoluk no hanesan surpreza ida iha CAN, agora iha pozisaun 38, pozisaun 15 aas liu duké iha fulan-Janeiru ne'ebé nia okupa fatin 53.
