Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 16.07.18

Adeptu atus resin simu Cristiano Ronaldo iha Turim

SAPO TL

Adeptu sira hamutuk atus resin simu "ho di'ak tebes" jogador portugés Cristiano Ronaldo ne'ebé maka iha loron-segunda ne'e to'o iha sede Juventus nian, iha Turim, hodi hala'o ezame médiku no asina ofisialmente ho klube italianu.

ronaldo_juventus.jpg

Cristiano Ronaldo to'o iha Itália iha loron-domingu, loron ida antes, no simu hosi ema rihun resin ne'ebé maka hatudu kartáz ho liafuan sira "benvindu" iha lian portugés.

Juventus informa ona katak avansadu portugés to'o iha aeroportu Caselle, iha Turim, iha tuku 17:30 (oras lokal) ho nia aviaun privadu.

Adeptu atus resin hosi ekipa italianu simu, iha loron-segunda dadeer, Cristiano Ronaldo, ne'ebé haleu hosi guarda-kosta sira, iha entrada hosi klube nia klínika, tanba jogador sei halo ezame médiku sira.

"Ronaldo, Ronaldo, Ronaldo" no "Ronaldo lori Champions League", adeptu sira hakilar.

"Hanesan kampeaun absolutu ida ne'ebé maka to'o, sei hanesan interesante tebes partisipa iha nia atividade loron-loron, liuliu iha serbisu", komenta hosi Claudio Marchisio, nia kompañeiru foun iha ekipa.

Cristiano Ronaldo, ne'ebé maka Juventus sosa ho euro millaun 100 hosi Real Madrid, sei halo konferénsia imprensa ida iha Estádio Allianz, iha tuku 18:30 (oras lokal), hafoin halo tiha ezame sira iha J Medical, klínika hosi klube Turim nian, no asina kontratu ida ba tinan haat, ne'ebé nia sei hetan euro líkidu millaun 31 resin tuir temporada ida.

Tuir imprensa italianu, Ronaldo sei hamutuk ho ekipa iha fulan-Jullu hafoin fila hosi tournée iha Estadus Unidus.

Kapitaun hosi selesaun portugeza husik ona Real Madrid hafoin temporada sia, iha momentu ne'ebé nia konkista ona troféu hamutuk 16, inklui troféu haat Champions League nian, no sai ona nu'udar markador di'ak liu hosi istória klube españól nian, ho golu hamutuk 451 iha jogu hamutuk 438.

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.