Qua | 30.03.16
Alemaña manán Itália ho 4-1
SAPO TL
Italianu sira kle’uk didi’ak bainhira hasoru selesaun jermánika.
Foto: AFP or Licensors
Alemaña manán Itália iha loron-tersa ne’e ho 4-1, iha jogu amigável hodi prepara ba Europeu 2016 iha Fransa.
Hafoin selesaun jermánika ne’e lakon iha findesemana bainhira hasoru Inglaterra (2-3), Alemaña fó resposta ne’ebé di’ak tebes hodi hetan rezultadu boot bainhira hasoru "Squadra Azzurra".
Kroos sai markadór dahuluk iha minutu 24. Molok tama mós ba intervalu, Gotze haboot tan vantajen. Iha segundu tempu, Alemaña iha vantajen ho golu haat, hafoin Jonas Hector hatama golu no ida seluk Ozil mak hatama (liuhosi tiru penalidade).
Iha minutu 7 ikus, El Shaarawy halo tenta hodi fó onra ba Itália.
SAPO TL ho SAPO Desportu