Qui | 11.08.16
Alemaña sei hasoru Portugál iha kuartu finál
SAPO TL
Alemaña iha sábadu ne’e sei sai hanesan adversáriu Portugál iha kuartu finál torneiu futeból iha Jogu Olímpicos Rio2016, hafoin manán Illa Fiji ho 10-0.
Golu lima hosi Nils Petersen, tolu hosi Maximilian Meyer no rua hosi Serge Gnabri labasta ba jermániku manán grupu C, tamba Koreia do Sul manán tiha ona Méxiku ho 1-0 no ho ida ne’e garante postu primeiru.
Koreia do Sul termina ho pontu hitu, Alemaña ho lima, Méxiku ho haat no Illa Fiji laiha pontu. Portugál no Alemaña sei hasoru malu sábadu ne’e iha Brazília hahú oras lokál 17:00.
SAPO TL ho Lusa