Ancelotti hein katak Barcelona sei forte no motivadu liu tán
Tékniku “merenge” afirma katak Barcelona sai motivadu liután no asegura katak ninia ekipa aprezenta “identidade ida ne’ebé sai klaru liu tán”.
“El klásiku” entre Real Madrid no Barcelona besik daudaun no Carlo Ancelotti, treinadór merengés, afirma katak Barcelona sai “forte liu tán” no “motivadu” duke iha temporada liubá.
“Ha’u haree katak Barcelona sai motivadu liu, karik tanba iha tinan kotuk ladun di’ak. Muda treinadór, iha jogadór foun sira, Neymar. Klube ne’e sai motivadu no kompetitivu liu tán duke iha tinan kotuk, maski sempre sai ekipa ida ne’ebé forte liu tán”, defende, iha deklarasaun ba Real Madrid TV.
Imajén ba buat ne’ebé akontese ho “blaugrana”, italianu ho tinan 55, haree “ninia” Real Madrid sai forte liu tán duke temporada kotuk (n.d.r.: iha 2013/14, sai sétima jornada husi Liga española, empata dala lima, manán dala ida no lakon dala ida; iha 2014/15, iha jogu hanesan, manán dala lima no desaire rua):
“Iha tinan kotuk ami iha identidade ida ne’ebé klaru iha inísiu. Problema ne’e ultrapasa iha tinan ida ne’e, ami iha filozofia ida ne’ebé klaru liu ba nível jogu nian. Ami iha de’it problema adaptasaun ida ho jogadór sira, liu-liu iha planu fíziku. Ami sai di’ak liu duke iha tinan kotuk, maski ami sofre golu barak. Ami komesa hadi’a ida ne’e”, konklui Ancelotti.
SAPO TL ho SAPO Desporto