André Villas-Boas sei fó treinu ba klube futeból xinés Shanghai SIPG - ofisiál
Klube futeból Shanghai SIPG ohin fó sai kontratasaun hosi André Villas-Boas, eis-treinadór FC Porto, hanesan tékniku prinsipál.
Villas-Boas "bele hariku kualidade tátika hosi ekipa nian", fó motivasaun ba jogadór sira no lori “klube ne’e sai di’ak liu tan”, tuir informasaun hosi Xangai, metrópole bot Xina nian iha komunikadu.
Hamutuk ho xinés-oan sira, André Villas-Boas sei hasoru hikas eis-avansadu FC Porto Hulk, ne’ebé klube Zenit foin kontrata iha veraun ne’e, ho euros milloens 55.
André Villas-Boas, ne’ebé ho tinan 39 sai nu’udar treinadór FC Porto hosi époka 2010/2011, no manan ona iha Liga Europa, Campeonato Nacional nomós Taça de Portugal, ba temporada ne’ebé portista sira soma ona vitória hamutuk 49, empata lima no lakon dala haat.
Tékniku portugés ne’e mos treina ona ekipa ingleza Chelsea ho Tottenham no ekipa Zenit, hosi Rúsia.
André Villas-Boas maka sei troka Sven-Goran Eriksson, antigu treinadór Benfica, hanesan komando ba klube futeból xinés nian.
SAPO TL ho Lusa