Andy Murray eliminadu iha Masters Miami
Búlgaru Grigor Dimitrov hetan ona vitória ba datoluk durante iha jogu sia kontra tenista britániku ne’e.
Foto: Lusa
Tenista britániku Andy Murray, númeru daruak mundiál nian, iha ohin eliminadu iha ronda datoluk Masters1000, Miami nian, ne’ebé lakon ho búlgaru Grigor Dimitrov, klasifikasaun 26º iha Série.
Iha enkontru entre sira nain rua ne’e, Dimitrov manán deit iha ronde datoluk kontra Murray, ho 6-7 (1-7), 6-4, 6-3, durante oras rua no minutu 26 nia laran.
Hafoin laliu iha Indian Wells ho ronda hanesan, Andy Murray tenta atu hetan nia títulu datoluk iha Miami, ne’ebé konsege tama to’o finál iha tinan haat ikus ne’e.
Iha oitavu finál, Dimitrov sei ba hasoru malu ho vensedór iha enkontru entre fransés Gael Monfils, klasifikasaun 16.º iha série ne’e, no uruguaiu Pablo Cuevas, 23.º.
SAPO TL ho SAPO Desportu