Aniversariante Morata lori Real Madrid ba topu
'Merengues' manán Atl. Bilbau ho 2-1. Morata marka golu vótoria nian iha 83'.
Foto: JuanJo Martin / EPA
Real Madrid simu no manán iha domingu ne’e hasoru Athletic Bilbau, ho 2-1, iha jogu ba jornada dasia Liga española nian, no sai hanesan líder izoladu iha tabela klasifikativu.
Benzema loke uluk markadór iha minutu 7 no Sabin Merino empata ba bascos iha deit parte dahuluk. Iha 83', aniversariante Álvaro Morata, ne’ebé selebra ninia aniversáriu 24º, marka golu vitória nian, lori Real Madrid ba ukun tuir tabela.
Cristiano Ronaldo sai titular iha enkontru ne’e maibé ikus mai lamarka.
Real Madrid agora sai hanesan primeiru klasifikadu Liga española nian, ho pontu 21, liu ida duké Sevilha. Barcelona no Villarreal, ne’ebé iha hotu pontu 19, okupa iha terseiru no kuartu.
SAPO TL ho SAPO Desportu