Apresentasaun hosi Taça da Primeira Dama 2014
Torneiu hosi Taça da Primeira Dama hahú halo ona iha kampo futeból Suku Bairro Pité, Dili iha sábadu liu ba.
Hafoin serimónia abertura, ema hotu bele ba asisti jogu entre ekipa Comoro 1 ho Caicoli no Comoro 2 (Campu Baru) ho Bairro Pité.
Ekipa haat ne’e aprezenta ona ba patrosinadór, Burker King, Cardno, Timor Plaza no Timor Telecom.
Torneiu ba Taça da Primeira Dama 2014 sei hala’o durante eskola feriadu hosi fulan Novembru no durante dezembru 2014.
Programa ne’e hala’o ho objetivu atu insentiva atividade nível komunitária ne’ebé promove kolaborasaun entre komunidade lokál, autoridade lokál ho nasionál nomós komunidade emprezariál timor-oan, liu hosi prátika desportiva, tuir komunikadu hosi gabinete Primeira Dama.
Hakarak atu dezenvolve espíritu Sidadania hamutuk ho jogadór, treinadór no família idaidak, hodi promove atitude no komportamentu ida ne’ebé responsável liu, voluntáriu, solidáriu no tolerante ba ema seluk, maka futeból hanesan dalan ida hodi alkansa objetivu refere.
Torneiu ne’e halo ho parseria entre Gabinete da Primeira-Dama, FFTL (Federasaun Futeból Timor-Leste) no CTFJTL (Sentru Treinamentu Futeból Juvenil Timor-Leste) ida ikus maka sai nu’udar responsável ba prosesu rekrutamentu no edukasaun sívika, hosi joven jogadór sub 12 ne’ebé rektura iha suku hothotu iha Dili ba to’o ensinu báziku.
Prosesu treinamentu despotiva alénde atu prepara jogadór fizika no metal ba kompetisaun desportiva, maibé buka mós atu dezenvolve karate jogadór nian liu hosi disiplina, servisu ekipa no espiritu kompetisaun no sakrifisiu.
Ikus liu Torneiu ne’e hakarak promove modalidade futeból hamutuk ho jerasaun sira ne’ebé joven liu, liu-liu ba jogadór femininu.
Foto hosi Gabinete Primeira Dama
SAPO TL