Auzénsia hosi Jogu sira CPLP nian hamosu polémika iha Guiné-Bissau
Ministériu Finansa guiniense la hetan osan hodi selu komitiva ba Jogu sira ne'ebé hala'o iha Cabo Verde.
Auzénsia hosi Guiné-Bissau hosi Jogu sira Komunidade Nasaun sira Lian Portugés (CPLP) nian prejudika desportu nasaun nian, hatete hosi sekretáriu-jeral hosi ministériu Juventude, Kultura no Desportu, José da Cunha, ba Lusa. "Auzénsia iha jogu sira CPLP nian iha folin maka'as ba ami nia desportu", nia refere.
Maski hamenus hosi na'in 94 ba na'in 40 ne'ebé halo parte iha delegasaun guiniense nian, laiha posibilidade hetan osan iha Ministériu Finansa, hatete hosi sekretáriu-jeral ne'ebé lamenta situasaun ne'e.
Jogu sira hahú ona iha loron-domingu no hala'o to'o loron 24 iha Cabo Verde hanesan edisaun datoluk konsekutivu ne'ebé maka Guiné-Bissau la halo parte: nasaun ne'e la partisipa ona iha jogu sira iha Mosambike tinan 2012 no mós iha Angola iha tinan 2014.
Aleinde jogu sira rasik, sekretáriu-jerál hosi Ministériu Desportu guiniense fó hanoin katak, iha eventu desportivu sira nia rohan, nasaun luzófonu sira aproveita hodi "afina estratéjia sira iha termu sira koperasaun nian" bazeia ba konferénsia sira hosi ministru sira nian.
Enkontru hosi governante sira hala'o iha loron-sábadu no loron-domingu iah illa Sal no hanesan momentu asinatura hosi protokolu multilateral sira entre titular sira hosi pasta desportu nian iha luzófonu nia laran, haktuir hosi José da Cunha.
@SAPO Desporto