Saltar para: Post [1], Comentar [2], Pesquisa e Arquivos [3]

SAPO Desportu TL

Ter | 26.02.19

Aviaun ne'ebé lori Emiliano Sala laiha autorizasaun ba semo komersial sira

SAPO TL

Departamentu hosi investigasaun britániku hosi asidente aéreu sira (AAIB) esklarese ona iha loron-segunda ne'e katak aviaun ne'ebé tula futebolista arjentinu Emiliano Sala, ne'ebé mate hafoin aviaun monu iha Kanal Mancha, laiha autorizasaun hodi halo operasaun ba semo komersial sira.

emiliano_sala_tldesportu.jpg

Aeronave, rejistadu iha Estadus Unidus, "labele uza ba semo komersial sira lahó autorizasaun hosi FAA no hosi CAA", autoridade sira hosi regulasaun ba aviasaun sivil iha Estadus Unidus no iha Reinu Unidu, ida-idak, hatete "laiha prova ruma katak iha pedidu ba autorizasaun ka iha lisensa ba autorizasaun", hakerek hosi investigador sira iha relatóriu ne'ebé maka aprezenta kona-ba asidente.

 

Investigador sira indika katak David Ibbotson iha lisensa ida politu nian ne'ebé maka fó hosi Ajénsia Europeia ba Seguransa Aviasaun nian, maibé lisensa ne'e la nesesáriu admiti autorizasaun ida hodi semo kalan, no AAIB dehan katak la hatene katak pilotu iha ka la'e autorizasaun ne'e.

 

"Kalkula katak lisensa ho rejistu hosi pilotu lakon bainhira aeronave ne'e monu", hakerek hosi investigador sira no lokaliza ona aparellu ne'e maibé labele rekupera tanba monu ho klean metru 67.

 

Vídeo sira ne'ebé halo hosi robot ida iha tasi okos hatudu aeronave "hetan estraga maka'as", rahun ba parte tolu "iha de'it ligasaun ho fiu elétriku sira no fiu hosi kontrolu aeronave nian".

Jogador ho tinan 28 mate iha loron 21 Janeiru liubá bainhira aviaun ne'ebé nia uza hodi halo viajen monu iha Kanal Mancha.

 

Futebolista nia mate-isin hetan iha avioneta nia laran, iha norte hosi illa Guernsey, iha loron 03 Fevereiru, no identifika liutiha loron haat.

Agora daudaun, laiha informasaun kona-ba paradeiru hosi David Ibbotson ne'ebé maka lori aparellu ne'e.

 

Sala asina kontratu ho Cardiff City, ne'ebé la to'o aprezenta, hafoin marka tiha golu hamutuk 12 iha jogu hamutuk 19 iha Liga franseza hosi 2018/19 bainhira joga iha Nantes.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.