Qua | 24.08.16
Bandeira olímpika iha ona Tókiu ba Jogu 2020
SAPO TL
Bandeira olímpik ohin iha ona kapitál Japaun, hanesan nasaun ne’ebé sei hala’o Jogu Olímpiku 2020 nian.
Hafoin ho aviaun sai hosi Rio de Janeiro, governadora Tókiu, Yuriko Koike, foti sa’e bandeira iha serimónia ida ne’ebé hala’o iha aeroportu Haneda, Tókiu, tuir ajénsia AFP fó sai.
Rio de Janeiro, iha prezidente kámara, Eduardo Paes, ninia liman, maka haree aprezentasaun Tókiu durante serimónia enseramentu hosi Rio2016, iha domingu liu ba.
Eduardo Paes, entrega bandeira olímpika ba prezidente Komité Olímpiku Internasionál, depois maka fó tutan fali ba governadora Tókiu.
Tóquio iha loron 7-setembru-2013 hetan eskolla hanesan organizadora ba Jogu XXXII Olimpíada, ne’ebé sei hala’o hosi 24-jullu to’o 9-agostu-2020.
SAPO TL ho Lusa