Barcelona lakon tan no hetan ona kompañia iha lideransa
Catalães hetan derrota ba datoluk tutuir malu.
Barcelona lakon iha uma rasik bainhira hasoru Valencia ho 2-1, iha jogu ba jornada 33.ª kampeonatu españól nian. Rakitic (26’) hatama golu ba nia baliza rasik no Santi Mina (46’) marka ba formasaun Ayestaran. Hetan redusaun hosi Messi iha (63’).
Catalães maka domina bola barak liu, halo atake ne’eb’e maka’as durante minutu 90 nia-laran, maibé laiha pontaria ne’ebé aserta, no hakotu hanesan vítima iha efikásia Valencia nian hosi nia tranzisaun ne’ebé lalais tebes. André Gomes sai titular iha ekipa forasteira no João Cancelo tama iha segunda parte.
Ho rezultadu ne’e mantéin nafatin Barcelona hanesan líder ho (pts 76), maibé agora iha pontu hanesan ho Atlético de Madrid, no menus ida duké Real Madrid. Valencia hetan pontu hamutuk 40 no hanesan ho Las Palmas iha klasifikasaun 11.º.
SAPO TL ho SAPO Desportu