Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 25.08.14

Barcelona manan ho golu rua hosi Messi

SAPO TL

Jogadór avansadu arjentinu marka ona golu hamutuk 245 iha kampeonatu españól.




Bainhira Messi joga iha inisiu hosi Liga Española. Foto: JOSEP LAGO / AFP


 


Lionel Messi “marka golu rua” iha jogu entre Elche ho FC Barcelona hodi manan (3-0) iha edisaun 2014/15 hosi Liga española futeból, maski ho de’it unidade 10 desde finál hosi parte dahuluk.


 


Messi ne’ebé marka ona golu hamutuk 245 iha prova, hetan de’it neen hosi rekordista Zarra, marka iha minutu 42 hodi taka kontajen iha 63.


 


Molok tama ba minutu 46, iha jogada dahuluk hosi segunda parte, Munir El Haddadi, tinan 18 hatama golu ida, hafoin Rakitic pasa bola ba nia.


 


 “Ha’u sente haksolok ho vitória ne’e, ho golu no tanba ha’u sente di’ak iha kampo-laran. Hanesan orgullu ida ba ha’u ne’ebé foin joga iha Nou Camp, ho Messi n jogadór sira seluk”, dehan autór daruak ne’ebé marka hosi “Barca” hafoin jogu remata.


 


Formasaun katalan ne’ebé ho de’it jogadór 10 desde minutu 43, bainhira Mascherano hetan kartaun mean, hodi hatuun jogadór Elche nian ida. Outsiders sira nunka iha jogadór liu ida iha kampo.


 


Iha jogu seluk ne’ebé hala’o ohin, Eibar maka manan iha jogu dahuluk hosi ninia istória iha Liga española hodi atinji no manan Real Sociedad 1-0, liu hosi Javi Lara ninia golu iha minutu 45.


 


Iha parte seluk, Celta de Vigo simu no manan ona Gefate 3-1, ho golu hosi eis-benfekista Nolito (minutu 20), Orellana (56) no Larrivery (70). Sammir (62) aponta golu ida hosi sira-ninia ekipa.


 


Iha ronda dahuluk hosi prova ne’ebé hahú sábadu ne’e ho jogu haat, ho treinadór luzu Nuno Espírito Santo (Valência) empata iha Sevilha (1-1) no Ivan Cavaleiro (Deportivo) marka iha  Córdoba, ho golu 2-1, no ohin sei hasoru Levante iha Villarreal.


 


Iha segunda-feira, sei hadau-malu iha jogu rua ikus, ho Real Madrid, Cristiano Ronaldo, Pepe no Fábio Coentrão ne’ebé hetan lezaun hodi simu Córdoba no campeão Atlético de Madrid ne’ebé foin hato’o hosiTiago, iha kampo Rayo Vallecano nian.


 


SAPO TL ho SAPO Desporto

Comentar:

Mais

Se preenchido, o e-mail é usado apenas para notificação de respostas.