Béljika no Arjentina sei hasoru iha kuartu finál
Béljika ohin dadeer kualifika ona ba kuartu finál Mundiál futeból 2014, hodi manán Estadus Unidius ho 2-1, ho golu tolu bainhira hanaruk tempu jogu nian, iha Arena Fonte Nova, Salvador no Arjentina mós tama ona ba kuartu finál, hodi manán Suísa ho 1-0, hafoin hanaruk tempu, ba jogu ne’ebé hala’o iha Arena Corinthians, iha São Paulo.
Iha jogu entre Béljika no Estadus, Kevin De Bruyne marka golu ida iha minutu 93, no Romelu Lukaku, iha minutu 105. Enkuantu “nonok de’it” Julian Green, ho tinan 19, marka golu husi norte-amerikanu sira, iha minutu 107.
Messi no Di Maria: dupla golu husi Arjentina
Foto: AFP
Iha jogu entre Arjentina no Suisa, Di Maria marka iha minutu 118, fó vitória husi sul-amerikanu, hafoin halo jogada ida husi Lionel Messi.
Iha kuartu finál, Béljika sei ba hasoru Arjentina, iha embate ne’ebé marka ona ba loron Sábadu, iha Brasília.
SAPO TL ho Lusa