Saltar para: Post [1], Comentários [2], Pesquisa e Arquivos [3]

SAPO Desportu TL

Seg | 23.02.15

Benfica iha defeza nebe marka liu golu iha Europa

SAPO TL

Maxi Pereira, Eliseu ho Jardel ida-idak iha golu tolu, Luisão iha golu rua, nebe kompleta golu 11 hosi golu 51 nebe apontadu iha Liga portugés.




 


Treinadór sira baibain hatete katak atake di'ak liu maka defeza. Iha kazu Benfica nian, espresaun ne'e di'ak tebes, tanba laiha ekipa prinsipál ida iha kampeonatu europeu nian maka iha defeza nebe marka liu golu duké Benfica.

Jogadór sira iha setór rekuadu "mean sira nian" marka ona 21,5 % hosi golu sira ekipa nian. Benfica nia defeza halo ona golu 11 nebe apontadu iha temporada ne'e iha Liga no Wolfsburgo de'it maka halo hanesan marka "mean sira". Sporting nia adversáriu iha Liga Europa aponta mós golu 11 iha jogu 22 maibé ho jogadór ida de'it iha destake: Naldo marka ona golu neen hosi golu 11 apontadu hosi defensór sira "asu-fuik" sira.

Maxi Pereira, Eliseu ho Jardel ida-idak iha golu tolu, Luisão iha golu rua, nebe kompleta golu 11 hosi golu 51 nebe apontadu iha Liga portugés. Maibé kuartetu defensivu aposta liu marka iha Liga tanba sira la hatama golu iha kompetisaun sira seluk. Hein de'it finál ba Tasa Liga Portugés nian hodi defeza sira ne'e bele hatama golu hanesan iha kampeonatu.

Bainhira ita haree líder sira hosi kampeonatu prinsipál europeu nian, klube nebe hakbesik liu maka Chelsea, ho golu ualu nebe marka hosi defeza, tuir Juventus ho golu hitu no Real Madrid ho golu lima. Iha nível internu iha FC Porto nebe "halo tauk" Benfica. "Dragaun" sira nia defeza aponta golu neen iha edisaun Liga Dahuluk nian: Danilo (3), Martins Indi (2) ho Alex Sandro (1).

@SAPO Desporto

2 comentários

Comentar post