Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 27.10.14

Braga halakon Benfica iha I Liga

SAPO TL

Ho líder Benfica nia lakon agora mak ho pontu vantajén ida ba FC Porto, ne’ebé sai hanesan klasifikadu daruak.


 



 


Benfica lakon, horisehik, ho SC Braga 2-1, iha jogu dala ualu nian husi kampeonatu portugés, ne’ebé hala’o jogu iha Estádio Axa, kapitál minhota. Talisca (2') marka primeiru ba Benfica, maibé golu husi Éder (iha minutu 28') no Salvador Agra (81') halo hodi halakon enkarnadu sira ba dahuluk ninian ba tinan ida ne’e iha I Liga, iha jogu futeból ida ne’ebé di’ak.

Brazileiru Jonas (tama iha parte daruak nian iha minutu 62) ne’ebé nu’udar auzénsia ba ema 'sanulu-resin ida' husi Benfica ba jogu ne’ebé hala’o horikalan. Hafoin hat-trick iha Taça de Portugal, avansadu ho tinan 30 mak apontadu ba titularidade, maibé tékniku Jorge Jesus sei fila hikas hodi aposta iha Lima, hodi hamaluk Talisca iha atake. Iha ekipa Jorge Jesus marka tán Samaris ba titulár. Iha SC Braga, Sérgio Conceição aposta iha atake ho Pardo, Zé Luís no Rafa.

Benfica tama hodi manán iha SC Braga, ho golu ida husi Talisca iha jogu minutu rua nia laran. Enkarnadu sira halo atake atake dala  rua ho lalais ne’ebé hamosu husi Gaitán no halo Eliseu halo sekuénsia di’ak liu, asisti joven médiu brazileiru ba ninia golu ba dala ualu nian iha kampeonatu.

Iha jogu hahú, Éder halo empata ba SC Braga iha minutu 28. Internasionál portugés konklui ho dalan di’ak liu ba kontra-atake ida ne’ebé di’ak tebes husi ekipa Sérgio Conceição, hafoin oportunidade perigu ne’ebé Lima husik liu iha área kontrária. Avansadu só enkosta de’it hafoin hetan asisténsia ezemplár ida husi Pardo.

Ba intervalu, no husi buat hotu ne’ebé ekipa rua halo, empata ne’e di’ak liu.

Minutu dahuluk husi parte daruak nian ne’ebé lalais tebes, ho tensaun barak liu iha meiu-kampo no halo falta barak. SC Braga tama ho maka’as liu iha etapa komplementár nian.

Ba minutu 54, Lisandro besik Pardo ho duelo iha área enkarnada, hanesan halo penalidade, maibé árbitru Marco Ferreira la fó sinál.

Meiu segunda parte, SC Braga halo liu jogu ne’e maibé, bainhira hela de’it minutu 15 jogu atu remata, Benfica akompaña ritmu brakarense.

Iha minutu 81, Salvador Agra marka golu vitória brakarense nian minutu sia molok halo asaun, iha jogu di’ak husi insisténsia avansadu portugés.

Besik remata, no hafoin konfuzaun iha liña haat nia liur, ne’ebé envolve jogadór sira no ekipa téknika husi ekipa rua, árbitru hatudu kartaun kinur Enzo Pérez no Danilo. Jogadór husi SC Braga iha ona adverténsia ida no to’o duni sai. Treinadór Sérgio Conceição mós duni sai tanba halo protestu.

Ho líder Benfica nia lakon agora mak ho pontu vantajén ida ba FC Porto, ne’ebé sai hanesan klasifikadu daruak.


 


SAPO TL ho Sapo Desporto

Comentar:

Mais

Se preenchido, o e-mail é usado apenas para notificação de respostas.