Qua | 03.07.19
Brazil halakon Arjentina no kualifika ba final hosi Copa Amérika
SAPO TL
Anfitriaun Brazil kualifika ona iha loron-tersa ba final hosi edisaun 2019 hosi Copa América futebol nian, bainhira halakon Arjentina ho 2-0, iha meia-final dahuluk, iha Belo Horizonte.
Gabriel Jesus, iha minutu 19, ho Roberto Firmino, iha minutu 71, aponta ona golu "canariñu sira" nian, ne'ebé manán ona prova ne'e dala ualu, dala haat iha edisaun barak ona ne'ebé maka halo iha rai brazileiru (tinan 1919, 1922, 1949 ho 1989).
Iha final, marka ba loron-domingu, iha Estádiu Maracanã, iha Rio de Janeiro, Brazil sei hasoru Xile, bikampeaun iha títulu, ka Peru, ne'ebé maka sei joga iha loron-kuarta ne'e.
Fonte: Ajénsia Lusa