Cabo Verde ho Brazil hasoru malu iha loron-kinta ne'e iha grupu A
Cabo Verde manán Mosambike ho 2-0 no halakon Timor-Leste ho 4-0.
Foto: Gaspar Castro / SAPO Desporto
Selesaun sira futeból nian hosi Cabo Verde no Brazil, kualifikadu ona ba semi-final, joga iha loron-kinta ne'e iha tuku 16h30 (oras lokal), iha Estádiu Marcelo Leitão, lideransa hosi Grupu A, hosi edisaun dasanuluk Jogu sira CPLP nian.
Ekipa rua hetan ona vitória hodi jogu rua ne'ebé hala'o tiha ona. Cabo Verde manán ona Mosambike ho 2-0 no halakon ona Timor-Leste ho 4-0, no Brazil halakon São Tomé & Prínsipe ho 4-0, no iha nia ajenda daruak jogu nian halakon Mosambike ho 4-2.
Ekipa rua ne'e empata hela iha pontu sira maibé brazileiru sira iha "goal average" di'ak liu nune'e Cabo Verde tenki manán hodi lidera grupu.
Cabo Verde ho Brazil hatene ona katak sei hasoru iha meia-final Angola ka Portugal, depende hosi sira nia pozisaun, tanba pozisaun dahuluk hosi Grupu A sei hasoru ekipa ne'ebé iha pozisaun daruak hosi Grupu B no mós hanesan kontráriu.
Iha andebol, hafoin loron ida intervalu nian, fila fali ba kompetisaun ho selesaun nasional maskulinu hosi Cabo Verde hasoru kombinadu hosi Portugal iha jogu hosi jornada dahaat nian.
Tékniku kabu-verdianu Adelino Duarte fó favoritizmu ba Portugal no konsidera "imposível" duni atu bele hetan vitória ida iha jogu ne'e.
Iha jogu sira seluk hosi modalidad ne'e, São Tomé & Prínsipe joga ho Brazil iha jogu inaugural hosi ronda ne'e no Angola taka prova hasoru Mosambike, selesaun úniku ho vitória tolu iha torneiu.
Basketbol feto nian mós hahú fali ho jogu, hafoin loron ida deskansu nian, ho selesaun kabu-verdianu hasoru Mosambike. Angola simu Brazil no São Tomé & Prínsipe joga ho Portugal.
@SAPO Desporto