Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 02.10.19

Cardiff apela ba TAS hosi pagamentu ba transferénsia Sala nian ne'ebé impostu hosi FIFA

SAPO TL

Cardiff sei apela ba Tribunal Arbitral Desportu nian (TAS) ba desizaun FIFA nian, ne'ebé obriga klube hodi selu euro millaun neen hosi transferénsia futebolista arjentinu Emiliano Sala, ne'ebé mate iha asidente ida aviaun nian.

emiliano_sala_tldesportu.jpg

"Parese desizaun [FIFA nian] foti ho baze iha pontu partikular ida diferendu nian, la konsidera totalidade hosi elementu sira ne'ebé maka Cardiff aprezenta", asinala hosi klube inglés, liuhosi komunikadu, hodi adianta katak hakarak apela ba TAS.

 

Hafoin avansadu arjentinu nia mate, iha loron 21 Janeiru 2019, Cardiff suspende ona pagamentu ba Nantes hosi prestasaun dahuluk ida ho euro millaun neen, hodi folin total ida transferénsia nian hamutuk 17,3 ME, ne'ebé maka konkorda antes asidente.

 

Nantes apela ona ba FIFA, ne'ebé rekomenda ona atu klube rua hetan akordu ida, maibé ikusmai la verifika no motiva ona desizaun ne'ebé fó sai iha loron-segunda hosi organizmu ne'ebé regula futebol mundial.

 

Emiliano Sala mate ho tinan 28, iha asidente aviaun ida, ne'ebé lakon hosi radar sira iha loron 21 Janeiru kalan, iha Canal da Mancha, liutiha tempu balun hafoin transfere hosi klube fransés ba Cardiff.

Avansadu arjentinu nia mate-isin hetan iha aviaun nia rahun sira no rekupera iha loron 07 Fevereiru, liutiha semana rua hafoin aeronave lakon, besik iha illa Guernsey.

 

Fonte: Ajénsia Lusa

Comentar:

CorretorEmoji

Se preenchido, o e-mail é usado apenas para notificação de respostas.