Saltar para: Post [1], Comentar [2], Pesquisa e Arquivos [3]

SAPO Desportu TL

Sex | 22.02.19

Chelsea labele kontrata futebolista to'o fulan-Jullu 2020

SAPO TL

Chelsea hetan bandu hosi FIFA hodi labele kontrata futebolista sira to'o janela transferénsia hosi fulan-Jullu 2020, tanba viola regulamentu sira iha kontrasaun hosi jogador sira ho tinan ki'ik.

chelsea.jpeg

"Komité Disiplinar kastigu Chelsea hodi bandu halo rejistu ba jogador foun sira, iha nível nasional ho internasional, iha tinan períudu rua tuirmai no konsekutivu", refere hosi nota hosi organizmu futebol mundial nian

 

Klube inglés, ne'ebé bele rekore ba Komité Rekursu nian, hetan mós kastigu ho multa ida ho folin 600.000 franko suisu (euro 528.000 resin) no iha prazu loron 90 hodi regulariza situasaun hosi jogador menor sira.

Iha kauza maka kontratu ho futebolista na'in 29 ne'ebé maka seidauk iha tinan 18.

 

Iha tempu hanesan, FIFA kastigu mós Federasaun Ingleza Futebol nian, ho asuntu hanesan, ho multa ida 510.000 franko suisu (euro 449.000 resin), ne'ebé iha "períudu ida fulan neen hodi rezolve situasaun kona-ba transferénsia internasional no rejistu menor sira iha futebol".

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.