Chelsea: Messi aprende ona inglés hodi bele treinadu hosi Mourinho
Arjentinu hosi Barcelona karik bele sai iha finál temporada nian no iha ona destinu ida: Chelsea Mourinho nian.
Internasionál arjentinu hosi Barcelona karik bele ba Chelsea nebe treina hosi José Mourinho. Informasaun ne'e avansa hosi jornalista ida hosi Direct TV no hetan impaktu maka'as iha Arjentina no mós iha Catalunha, fatin nebe Messi hanesan Maromak ida iha Nou Camp.
Revelasaun ne'e fó sai hosi Fabián Godoy iha programa Fútbol Total. Jornalista hosi Diret TV garanti katak Messi agora dadaun iha aula lian inglés no Mourinho fó ona ninia apoiu ba posibilidade hodi fó treinu ba rivál Cristiano Ronaldo nian iha époka oinmai.
"Bainhira Barcelona la mana'an iha temporada ne'e, Messi sei ba Chelsea. Nia estuda hela lian inglés no Mourinho fó ona apoiubainhira simu notísia kona-bá posibilidade ne'e liuhosi telefone", jornalsita ne'e hahú hatete iha programa televizaun Fútbol Total.
"Messi senti katak sira uza nian hanesan Barcelona ho Catalunha nia bandeira bainhira sira hakarak, maibé iha ninia problema ho fisku nia senti katak ema ofende nia. Nia konsidera katak Barcelona husik nia ho ninia aman. Ne'e halo nia hanoin fali kanek ida", haktuir hosi Fabián Godoy.
"Messi iha hanoin atu muda liga. Posibilidade hodi joga iha Inglatera halo nia haksolok. Iha Londres, tuir lei, paparazzi sira ladún invasivu", hatutan hosi jornalista Direct TV nian ne'e.
Relasionadu ho senáriu ne'e iha mós Adidas, marka alemaun nebe patrosina Messi ho Chelsea José Mourinho nian.