Chicharito sai nabilan liu tan iha vitória Real Madrid
Mesikanu marka golu rua hosi golu haat merengés.
Foto: EPA/LAVANDEIRA JR.
Javier Hernandez 'Chicharito' marka golu rua iha Vigo
Ohin dadeer Real Madrid manán Celta de Vigo 2-4, iha jogu 33.ª jornada hosi kampeonatu españól, ne’ebé hala’o jogu iha Estádio de Balaídos.
Iha jogu ne’ebé mesikanu Javier ‘Chicharito’ Hernández sai destake, tanba marka golu rua hosi golu haat Real, formasaun Madrid habadak tan distánsia ba líder Barcelona ba pontu rua.
Avansadu internasionál portugés Cristiano Ronaldo la marka golu iha jogu hasoru Vigo.
Maski nune’e, to’o ekipa uma-na’in marka uluk, hosi intermédiu Nolito. Iha minutu sia, antigu jogadór Benfica simu ho ain-karuk, tama iha área laran entre Carvajal no Kroos no hodi xuta rasteiru ba jogu dahuluk.
Iha minutu 16, alemaun Toni Kroos empata jogu iha Vigo.
Hafoin liu tiha minutu balun, Chicharito kombina di’ak ho James no remata entre guarda-redes Celta de Vigo nian ain-let, hodi tau Real Madrid iha vantajen ba dahuluk.
Hafoin Santi Mina (28’) tau tan fali Celta iha vantajen, eis-portista James Rodríguez (43’) maka sai autór hosi golu datoluk nian hosi ekipa vizitante.
Iha tempu daruak iha de’it golu ida no ida ne’e marka, dala ida tan, hosi Chicharito (69’).
Ho vitória ida ne’e maka, Real Madrid hetan 79, hela pontu rua hosi líder Barcelona.
SAPO TL ho SAPO Desporto