Saltar para: Post [1], Pesquisa e Arquivos [2]

SAPO Desportu TL

Qui | 13.02.20

Covid-19: Komité organizador la planeia atu adia Jogu Olímpiku Tókio2020

SAPO TL

Prezidente hosi komité organizado hosi Jogu Olímpiku Tókio2020, Yoshiro Mori, garanti ona iha loron-kinta ne'e katak laiha planu adia ka kansela inisiativu tanba epidemia hosi koronavírus foun, hodi kritika "boatu iresponsável sira" kona-ba asuntu.

Yoshiro_Mori_tokio2020.jpg

Falta de'it loron 162 hosi serimónia abertura nian, mosu nafatin dúvida sira kona-ba posibilidade hodi adia Jogu sira, ne'ebé sei halo iha Tókio, bainhira vírus espalla iha Ázia tomak.

"Ami hakarak atu kordena ho governu nasional no halo asaun ho kalma", hatete hosi Mori durante reuniaun ida ho responsável importante sira hosi Komité Olímpiku Internasional (COI).

 

Epidemia hosi pneumonia viral, ne'ebé agora koñese ho naran Covid-19, halo ona adia eventu desportivu oioin iha Xina, inklui kompetisaun sira hosi kualifikasaun olímpika.

 

Lista hosi inisiativu desportiva sira ne'ebé kansela aumenta ona iha loron-kuarta, ho adiamentu hosi Grande Prémiu ba Fórmula 1 Xangai nian, ne'ebé marka ba fulan-Abril nia laran. Inisiativu ne'e bele kansela no eventu desportivu sira seluk mós bele adia bainhira epidemia alastra nafatin.

Iha loron-kinta ne'e, lokalidade ida ho populasaun hamutuk 10.000 iha besik Hanoi tama iha kuarentena, ida dahuluk iha Vietname, ne'ebé maka halo fronteira ho Xina.

 

Durante reuniaun ho membru sira COI nian, governador Tókio nian, Yuriko Koike, promete avansa ona ho "medida maka'as sira" hodi proteje populasaun hasoru koronavírus foun antes Jogu Olímpiku sira.

Japaun laiha ema ida maka mate, maibé iha kazu hamutuk 28 iha nia teritóriu, inklui na'in haat iha estadu todan iha hospital. Ema na'in 218 seluk infetadu iha ró kruzeiru ida ne'ebé maka iha tasi-ibun Japaun nian.

Prezidente vila olímpika, Saburo Kawabuchi, hatete iha reuniaun katak iha esperansa atu humidade hosi ar aumenta hodi oho moras. "Ami iha estasaun udan nian ne'ebé maka bele halakon vírus", nia hatete.

 

Iha Xina, provínsia Hubei, ne'ebé hanesan fatin vírus ne'e mosu, anunsia ona iha oras 24 ikus ne'e ema na'in 242 mate no ema infetadu foun kuaze 15.000.

 

Pelumenus ema na'in 1.355 mate ona iha nasaun no kuaze na'in 60.000 maka infetadu iha Xina kontinental, númeru ida ne'ebé aumenta hafoin introdusaun hosi métodu foun hodi hetan, iha loron-kuarta, pasa autoridade xineza sira defini infesaun ho baze iha radiografia sira iha hirus-matan.

Radiografia ba hirus-matan ne'e hosi kazu sira suspeita nian bele konsidera hanesan sufisiente hodi diagnostika vírus, no la'ós teste padraun sira hosi ásidu nukleiku, hatete hosi autoridade sira ne'ebé maka haktuir hosi ajénsia notísia France Presse.

 

Metodolojia foun halo sai posibilidade hodi fornese tratamentu ida ba pasiente sira "lalais tebes" no "hanesan konsistente" ho klasifikasaun ne'ebé uza iha provínsia xineza sira seluk, esplika.

"Ami nai komprensa hosi pneumonia ne'ebé mosu hosi koronavírus foun sai maka'as no ami akumula esperiénsia iha diagnóstiku ho tratamentu", subliña.

 

Fonte: Ajénsia Lusa