Saltar para: Post [1], Comentar [2], Pesquisa e Arquivos [3]

SAPO Desportu TL

Ter | 30.07.19

Cristiano Ronaldo asumi katak hanesan susar husik Madrid no salienta perkursu iha Real

SAPO TL

Futebolista internasional portugés Cristiano Ronaldo asumi ona, iha loron-segunda, katak la'ós hanesan fásil husik Real Madrid, hafoin temporada sia iha kapital española, no hatudu "orgullozu tebes" ba buat hotu ne'ebé nia hetan ona iha emblema ‘merengue’.

ronaldo_marcatl.jpg

"Ha'u nia saída hosi Real la'ós fásil. Hanesan tinan sia. Maski nune'e, iha Itália, hanesan ona temporada di'ak ida ne'ebé maka ha'u halo ona. Ha'u manán troféu rua ho Juventus no mós Liga Nasaun ida ho Portugal. Hanesan tinan "top" ida", afirma hosi Cristiano Ronaldo, durante serimónia ne'ebé maka entrega ba nia prémiu ‘Marca Leyenda’, ne'ebé entrega hosi diáriu desportivu Marca, iha Madrid.

 

Avansadu hosi Juventus hatete katak senti falta kapital española no konfesa katak "fila ba Madrid hanesan espesial tebes".

 

Jogador luzu, ho tinan 34, aumenta ona lote hosi personalidade sira ne'ebé iha ligasaun ba futebol ne'ebé maka hetan ona premiu ‘Marca Leyenda’, hanesan Lionel Messi, Raúl González, Diego Maradona, Pelé ka Paolo Maldini, aleinde desportista sira seluk hanesan Rafael Nadal, Michael Jordan, Michael Phelps, Paul Gasol, Roger Federer ka Usain Bolt.

"Hanesan troféu ida ne'ebé ba diretu ba ha'u nia muzeu, ho orgullu tebes. Ha'u simu prémiu ne'e liuliu tanba saida maka ha'u halo ona iha Real Madrid. Ha'u senti orgullu tebes ba buat hotu ne'ebé ha'u halo ona iha Real Madrid no ha'u hakarak agradese ba ema tomak ne'ebé ajuda ona ha'u durante ha'u nia kareira, dezde ha'u hahú iha Nacional de Madeira", nia refere iha serimónia ida ne'ebé marka mós prezensa hosi prezidente Real Madrid nian, Florentino Pérez.

 

Iha parte seluk, Ronaldo admiti ona katak konkista hosi Euro2016, ho selesaun portugeza, kontinua hanesan espesial liu: "Hanesan espesial, emosaun sira hanesan maka'as tebes bainhira ó manán buat ruma ba ó nia nasaun. Hanesan troféu ne'ebé espesial liu ne'ebé maka ha'u manán iha ha'u nia kareira".

 

Kona-ba posibilidade ida konkista Champions League, ho Juventus, Ronaldo hanesan rezervadu liu.

"Ami sei tenta nafatin. Hanesan kompetisaun ida susar tebes. Ekipa sira hakarak manán. Real Madrid, FC Barcelona, Atlético de Madrid, Manchester City. Juventus sei luta hodi konkista prova no ha'u hein katak bele", nia transmiti.

 

Cristiano Ronaldo pasa ona temporada sia iha Real Madrid, to'o iha tinan 2009, hosi Manchester United. Ho ‘merengue sira’ nia konkista ona liga española rua, tasa España rua, supertasa española rua, champions league haat, supertasa europeia tolu ho mundial klube tolu.

Ho Real Madrid, avansadu internasional portugés halo ona jogu hamutuk 438 no marka ona golu hamutuk 450.

 

Ronaldo hahú nia kareira iha eskola sira hosi Andorinha, antes reprezenta Nacional da Madeira, Sporting, Manchester United ho Real Madrid, ne'ebé hafoin ne'e transfere ba italianu sira Juventus, iha inísiu hosi époka liubá.

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.