Cristiano Ronaldo halakon Djokovic no Luis Suárez no manán prémiu hosi ESPN
Portugés halakon ona Djokovic ho Suárez no repete prémiu ne'ebé manán ba dala uluk iha tinan 2014.
Cristiano Ronaldo bele aumenta tan prémiu ida ba nia kolesaun ne'ebé boot ona. Loron balun hafoin sai nu'udar Kampeaun Europa ho Portugal, jogadór hosi Real Madrid konsidera ona hanesan atleta internasional ne'ebé di'ak liu hosi kanal televizaun norte-amerikanu ESPN.
Kapitaun hosi selesaun portugeza halakon ona Novak Djokovic (ténis), Lydia KO ( golfe), Luis Suárez (futebol) no Canelo Álvarez (boxe) hodi repete fali momentu ida hodi simu prémiu. Iha tinan 2014, Ronaldo manán tiha ona prémiu ne'e ba dala uluk.
Konkista hosi prémiu ba atleta internasional ne'ebé di'ak liu bazeia iha époka boot ida ne'ebé Cristiano Ronaldo halo, to'o pontu importante ho konkista Champions League ho Real Madrid no Kampeonatu Europa ho Portugal.
Cristiano Ronaldo agora daudaun halo férias iha Ibiza hodi rekupera lezaun ne'ebé nia hetan iha ain-tuur iha final Europeu nian. Jogadór nia rekuperasaun halo nia labele joga iha Supertasa Europeia entre "merengue" sira no Sevilla ne'ebé manán Liga Europa.
@SAPO Desporto