Cristiano Ronaldo: "Ha'u hein atu hanesan ho Messi iha époka oinmai"
Internasionál portugés mana'an nia Bola Osan-Mean ba dala tolu.
Cristiano Ronaldo, nia oan-mane Cristiano Jr., nian inan Maria Dolores dos Santos Aveiro ho nia maun Hugo, EPA@ Walter Bieri
Ne'e maka hanesan Cristiano Ronaldo nia liafuan sira, ho nia Bola Osan-Mean ba dala tolu.
"Ha'u tenki agradese ba ema sira nebe vota ona iha ha'u, ba ha'u nia treinadór no kompañeiru sira no prezidente Real Madrid nian. Hanesan tinan ida importante, iha nível koletivu no ba ha'u rasik. Mana'an troféu ida ho dimensaun hanesan ne'e úniku tebes. Ne'e sei fó motivasaun mai ha'u hodi kontinua serbisu ho dalan hanesan nebe ha'u halo to'o agora hodi mana'an nafatin. Ha'u agradese ba ha'u nia inan, ha'u nia feton sira no ha'u nia aman, nebe iha leten aas ba. Ha'u agradese mós ba selesaun portugés tanba tulun ha'u", Ronaldo hatete iha loron-segunda ne'e.
"Ha'u agradese ba sé maka tulun ha'u hodi sai di'ak liu, ba portugés sira hotu. Ha'u la hanoin atu mana'an dala tolu bola ne'e. Ha'u hein katak sei sai hanesan Messi iha époka oinmai. La'ós buat ida nebe ha'u halo la dukur maibé ha'u iha ambisaun ne'e. Hanesan ha'u hatete ona, ha'u hakarak tama iha istória futeból mundiál nian hanesan jogadór di'ak liu iha mundu no ha'u sei konsege", nia hatutan.
ho SAPO Desporto