Cristiano Ronaldo hetan multa euro rihun 20 hosi UEFA tanba hahalok ladi'ak
Futebolista internasional portugés Cristiano Ronaldo hetan ona multa ho folin euro rihun 20, tanba hahalok ladi'ak, folin hanesan ne'ebé aplika ba treinador arjentinu Diego Simeone, ne'ebé nia jestu halo hosi avansadu Juventus nian, anunsia hosi UEFA iha loron-kinta ne'e.
Iha final hosi jogu ho Atlético de Madrid, hosi jogu daruak ba oitavu-final Champions League nian, Ronaldo halo tuir jestu ne'ebé halo hosi tékniku ekipa españól nian, iha enkontru dahuluk, ne'ebé hanesan kaer testíkulu bainhira festeja golu ida hosi ‘colchoneros’.
Hafoin lakon tiha 2-0 iha jogu dahuluk, iha Madrid, Juventus manán iha Turim ho 3-0, ho golu tolu ne'ebé marka hosi avansadu portugés, iha minutu 27,49 ho 86, golu ikus hosi penálti, hodi konkista apuramentu ba kuartu-final.
Juventus, ekipa ne'ebé aliña mós defeza internasional portugés João Cancelo, sei hasoru Ajax, ekipa ne'ebé integra guarda-rede luzu, Bruno Varela, ne'ebé empresta hosi Benfica, iha "kuartu" prinsipal hosi prova europeiu klube sira nian.
Fonte: Ajénsia Lusa