Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 18.12.19

Cristiano Ronaldo, João Félix ho Fernando Santos hanesan kandidatu ba Globe Soccer Awards

SAPO TL

Internasional portugés Cristiano Ronaldo, vensedor dala lima hosi prémiu futebolista di'ak liu, João Félix, eleitu 'Golden Boy' hosi Tuttosport, ho Fernando Santos hanesan kandidatu sira ba Globe Soccer Awards 2019.

fernando_santos_ronaldo_futebol.jpg

Cristiano Ronaldo, distingidu dala lima nu'udar jogador FIFA di'ak liu no vensedor Bola Osan-Mean hosi France Football, manán ona Globe Soccer Awards, iha kategoria hosi futebolista di'ak liu, iha tinan2011, 2014, 2016, 2017 ho 2018.

Tinan ne'e nomeadu fali ba prémiu, ne'ebé fó hosi asosiasaun europeia hosi emprezáriu sira futebol nian (EFAA) no asosiasaun europeia klube sira nian (ECA), iha kategoria ida ne'ebé konkore ho Messi (FC Barcelona), Van Dijk (Liverpool) ho Salah (Liverpool).

 

Iha konkorénsia ba jogador revelasaun tinan ne'e iha mós portugés João Félix, ne'ebé sai hosi Benfica ba Atlético de Madrid ho osan euro millaun 120, no ne'ebé tinan ne'e manán ona prémiu Golden Boy, ne'ebé distingi futebolista di'ak liu sub-21 nian.

Félix iha konkorénsia ho Jadon Sancho (Borussia Dortmund), Erling Haaland (Salzburgo) ho Ansu Fati (FC Barcelona).

 

Fernando Santos, ne'ebé nomeia tiha ona no manán iha tinan 2016, tinan ne'ebé maka nia lori Portugal manán Europeu Fransa nian, indika dala ida tan ba treinador di'ak liu, agora hasoru Juergen Klopp ho Erik Ten Hag.

Selesionador luzu manán ona Liga Nasaun nian, Klopp lori ona Liverpool ba títulu europeu no Tem Hag lori Ajax ba meia-final hosi ‘Champions’.

 

Portugés seluk ne'ebé habituadu ba prémiu sira hosi Globe Soccer Awards maka emprezáriu Jorge Mendes, ne'ebé manán iha okaziaun ualu hosi edisaun sia, no ne'ebé indikadu dala ida tan, hamutuk ho italianu sira Mino Raiola ho Federico Pastorello.

 

Iha Mundial feto nian, kampeã sira Megan Rapinoe ho Alex Morgan, hosi Estadus Unidus, sai hanesan kandidatu sira ba futebolista di'ak liu, iha lista ne'ebé inklui ingleza Lucy Bronze ho franseza Amandine Henry.

Gala atribuisaun hosi Globe Soccer Awards sei halo iha loron 29 Dezembru iha Dubai.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.