Saltar para: Post [1], Pesquisa e Arquivos [2]

SAPO Desportu TL

Sex | 28.09.18

Cristiano Ronaldo sei la joga dala ida de'it iha Champions League

SAPO TL

Cristiano Ronaldo hetan kastigu ba jogu ida de'it. Ho ida ne'e jogador ne'e bele hasoru Manchester United iha Champions League.

CrisRonaldo.jfif

Avansadu portugués Cristiano Ronaldo suspensu iha loron-kinta ne'e ba enkontru ida no sei la joga hasoru suísu sira Young Boys nian iha Juventus nian fatin, iha jornada daruak Champions League futebol nian.

Iha regresu ba España, nasaun ne'ebé maka husik transferénsia hosi Real Madrid ba Juventus, iha loron 19 Setembru, Ronaldo joga de'it too minutu 29 jogu Grupu H Liga dos Campeões nian - ne'ebé maka ekipa italiana manan ho 2-0 -, hetan espulsu tanba alegada agresaun ba adversariu ida, kolombianu Murrilo, ho rezultadu ida ne'ebé "mos" hela.

Tanba ne'e, Ronaldo sei la joga iha sira nian fatin hasoru suísu sira Joung Boys nian, iha loron 02 Outubru, maibé sei joga fali iha Old Trafford kontra Manchester United (23 Outubru), ne'e hanesan ba kapitaun selesaun portugueza regresu ida ba estádiu inglés.

Konabá saida maka akontese iha Valénsia, imajen sira repetisaun nian hatutdu katak kartaun mean hanesan injustu no, tanba la iha vídeo-árbitro iha Champions League, CR7 obrigadu hodi sai hosi jogu ne'e.

Ronaldu husik kampu ho mata-ben, no husik Juventus ho jogadór na'in 10 de'it. Ho espulsaun ne'e, Cristiano Ronaldo aumenta numeru ba bainhira sai hosi kampu sedu liu hosi saida maka nia hein ba 11 iha nian kareira.

Fonte: Sapo Desporto