Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 07.06.18

Cristiano Ronaldo sei sai hosi Real Madrid

SAPO TL

Jornal Record hakerek katak internasional portugés ladún haksolok ho promesa sira ne'ebé la kumpri hosi parte Florentino Pérez. 

ronaldo_destaketl.jpg

Jornal Record hakerek, iha loron-kinta ne'e, iha edisaun impresa katak Cristiano Ronaldo sei husik Real Madrid iha temporada ne'e nia rohan.

Desportivu esklarese katak promesa sira ne'ebé la kumpri hosi Florentino Pérez, prezidente "merengue sira" nian hanesan motivu hosi desizaun ne'e.

Record adianta ona katak hafoin final hosi Champions League époka 2016/2017 (ne'ebé Real Madrid manán Junventus), dirijente máximu hosi madrillenu sira promete ona renovasaun ida kontratu ba Ronaldo ho aumentu saláriu atual euro millaun 23,6 ba euro millaun 37 tinan-tinan, konta ona ho impostu sira selu, halo nia tama iha fatin hanesan ho osan sira ne'ebé maka simu hosi Messi ho Neymar. Maibé, promesa ne'e nunka pasa ba dokumentu ida.

Iha loron-tersa liubá, Jorge Mendes, emprezáriu CR7 nian, ho Florentino Pérez hasoru malu iha estádiu Santiago Bernabéu, maibé enkontru la adianta buat ida.

Aleinde ne'e, falta rekoñesimentu hosi nia estatutu iha ekipa hanesan mós baze hosi desizaun ne'e. Iha momentu ne'ebé maka Ronaldo to'o iha klube, Florentino Pérez seidauk sai hanesan prezidente Real Madrid nian maibé bainhira nia kaer poder, tuir Record, seidauk bele rekoñese importánsia hosi portugés iha dalan vitoriozu hosi "merengue sira" nian no nunka iha liafuan agradesimentu ida ka admirasaun ba Cristiano. Buat ne'ebé maka hanesan kontráriu ho treinador sira no kolega sira ne'ebé rekoñese nafatin nia.

Jornal desportivu ne'e hakerek mós katak relasaun entre Ronaldo ho Florentino Pérez nunka di'ak, dalaruma akontese duni desrespeitu.

Epizódiu ida ne'ebé maka ladún di'ak ba internasional portugés akontese iha loron ne'ebé maka CR7 simu Bola Osan-mean dalima. Florentino Pérez hatete katak Neymar, ho kamizola Real Madrid nian, bele manán mós. Asaun ne'ebé Ronaldo la gosta ida.

Deklarasaun sira hosi Cristiano Ronaldo hafoin final hosi Champions League iha tinan ne'e, ne'ebé portugés hatete katak sei analiza nia futuru, hatudu katak ligasaun ne'ebé dura kuaze dékada ida ho emblema Madrid nian karik besik hotu ona.

Paris Saint-Germain, Juventus, AC Milan, Inter de Milão, Roma ho Manchester United hanesan klube balun ne'ebé iha interese iha internasional portugés.

Fonte: SAPO Desporto

Comentar:

Mais

Se preenchido, o e-mail é usado apenas para notificação de respostas.