CSKA Moscow 3-1 Sporting
"Leaun sira" komesa manán ho golu ida hosi Téo maibé iha jogu tempu daruak nian rusu sira fó volta no sira maka hakat ba faze grupu.
Sporting lakon ho CSKA Moscovo 3-1 iha Rúsia no despede aan ba Liga Kampeaun. "Leaun sira" komesan manán ho golu ida hosi Téo maibé iha jogu tempu daruak nian rusu sira fó volta no marka golu tolu, nun’e sira maka hakat ba faze grupu. Ekipa Jorge Jesus, ne’ebé manán ona 2-1 iha primeiru jogu, sei ba Liga Europa no sira mai "esfumar" 14 milloens euros. Nune’e ekipa falla objetivu balun hosi époka.
Sporting tama iha Arena Khimki hodi luta kontra estatístika, ne’ebé fó vantajen ba rusu sira. 2-1 konsege hetan horibainrua iha Alvalade nune’e halo manobra no turma Jesus to’o kontraria tiha estatístika hodi ba oin: lapresiza manán (buat ida ne’ebé lahalo iha Europa iha jogu 14), iha país ne’ebé halo empata ida no lakon dala rua iha jogu sira liuba.
Jorge Jesus forma ekipa ida ne’ebé kontensaun, hatama Aquilani ba meiu-kampo, hosi Téo ba mesak iha oin no Slimani tur. Hosi sorin seluk rusu nian, laiha novidade. "Leaun sira" komesa jogu ho di’ak, sira maka domina iha jogu hahú no joga iha meiu-kampo kontráriu. Téo, Carrillo no João Mário halo Akinfeev hakfodak iha minutu dahuluk ninian.
Hafoin CSKA dezenvolve iha jogu no hetan oportunidade dahuluk iha minutu 23, hodi remata bola hosi Doumbia baku sai ba liur hafoin pasa hosi Mário Fernandes. Iha momentu ne’e maka rusu sira domina jogu. Sporting responde ho di’ak no, iha minutu 37, Téo Gutiérrez halo 1-0, bainhira desviu iha área hafoin pasa hosi João Pereira. Kolombianu halo segundu golu ba rusu no terseiru iha jogu haat hosi Sporting.
Intervalu Sporting hetan vantajen no besik daudaun hosi faze grupu. Hanesan mós iha 2005, iha finál Taça UEFA "leauns ira lakon"ba rusu, Sporting maka komesa ho di’ak, hodi manán.
Iha jogu tempu daruak Sporting lakon maka’as, no permite turma rusu nian dezenvolve. CSKA tama ho perigu tebes, komesa joga besik liu hosi área leonina. Ekipa Jesus dala ruma "halo" kontra-atake, kria perigu di’ak hosi baliza Akinfeev.
Empata iha jogu ne’e iha minutu 50, ho lanse konfuzu. Hafoin bola livre ida, Adrien desvia bola ba Patrício maibé Doumbia maka to’o uluk hodi remata kontra guarda-rede. Bola haksoit hosi avansadu kosta-marfinense nia liman no tama ba baliza. Meski nune’e Sporting kontinua ba fanatin iha eliminatória.
Golu mai ho momentu ne’ebé ladi’ak ne’ebé desperta liu tan rusu, akontese oinseluk, hodi sira fiar iha reviravolta markadór.
SAPO TL ho SAPO Desportu