Saltar para: Post [1], Pesquisa e Arquivos [2]

SAPO Desportu TL

Qua | 25.02.15

Dérbi de Génova termina ho empata 1-1

SAPO TL

Sampdoria ho Génova empata 1-1 no mantén ho pontu hanesan iha Liga italiana.



Foto: MARCO BERTORELLO / AFP




Sampdoria ho Génova ohin empata ona 1-1, iha jogu 24.ª jornada Liga italiana futeból, no ho rezultadu ne’e maka ekipa rua mantén nafatin ho pontu hanesan iha kampeonatu.


 


Dérbi de Génova adia minutu molok hala’o jogu iha findesemana, iha estádio Luigi Ferraris ne’ebé nakonu ho ema barak, tanba tempu ladi’ak ne’ebé akontese iha sidade transalpine hodi halo ema sai hosi estádiu laran.


 


Durante jogu, Génova marka kedas golu iha minutu 17, liu hosi españól Iago Falqué, hafoin sentru hosi M'Baye Niang. Hafoin minutu rua, Sampdoria hatan kedas no konsege hatama golu ida liu hosi sala ne’ebé defeza Génova halo, no golu refere marka ho remata hosi Eder ba ekipa Mattia Perin.


 


Iha segunda parte, nem tama iha kamaronés Samuel Eto’o ninia kampo ba minutu 84, ba Sampdoria, nomós nem iha okaziaun di’ak ne’ebé Pedro Obiang (Sampdoria) lakon, iha minutu 86, no hosi Juraj Kucka (Génova), iha jogu ninia rohan, ekipa rua ne’e konsege empata.


 


Génova ho Sampdoria ficam okupa ona iha sexto no sétimo lugar hosi Série A, ho pontu 36, no ekipa rua ne’e maka sei luta atu hodi hetan fatin ida iha kompetisaun europeia, ba temporada tuir mai.


 


SAPO TL ho SAPO Desporto