Di Maria sai reforsu PSG
Jogadór ne’ebé aprezenta formalmente iha konferénsia imprensa iha loron-Kinta.
Futebolista internasionál arjentinu Ángel di María asina ona kontratu horisehik kontratu ba tinan haat ho Paris Saint-Germain, fó sai klube I divizaun franseza iha ninia sítiu ofisiál internet.
“Ha’u sente orgullu no vontade maka’as atu hatais kore Paris Saint-Germain. Ha’u mai hodi konkista kompetisaun hothotu iha Fransa no ha’u iha mehi atu manán Liga Kampeaun”, afirma jogadór arjentinu, karik bele sosa ho folin euro millaun 63, fó sai imprensa franseza.
Estremu, ne’ebé ho tinan 27, forma aan iha arjentinu hosi Rosario Central, molok atu kontrata hosi Benfica, ne’ebé hala’o jogu durante tinan tolu, hosi 2007 to’o 2010, konkista kampeonatu portugés no tasa rua 'águias' nian hosi Liga sira.
Iha tinan 2010, Real Madrid seluk besik euro millaun 25 ba ‘encarnados’ nune’e bele hetan atleta, ne’ebé reprezenta ‘merengues’ durante tinan haat, hodi manán Liga española ida, tasa rua, Supertasa ida no mós Liga Kampeaun iha tinan 2013/14.
Hafoin manán Liga Kampeaun, internasionál arjentinu transfere ba Manchester United ho folin besik millaun 75. Tanba ne’e, hafoin hala’o jogu 32, transfere ba klube kapitál franseza nian.
Ángel di María, ne’ebé sai ema daruak ne’ebé boot iha transferénsia hosi klube parisiense, hafoin dezembolsadu millaun 64 hodi kontrata internasionál uruguaiu Edinson Cavani, ne’ebé sei aprezenta ohin no karik sei hala’o ninia jogu dahuluk iha loron-Domingu hasoru recém-promovido Ajaccio.
SAPO TL ho SAPO Desporto