Saltar para: Post [1], Pesquisa e Arquivos [2]

SAPO Desportu TL

Sab | 26.07.14

Didier Drogba fila ba "aman" ninia hakohak

SAPO TL

Kosta-marfinense fila ba Chelsea no hasoru fali Mourinho iha operasaun ida lahó kustu.







Didier Drogba hanesan ona jogadór Chelsea nian. Klube ne'e fó sai iha ninia site ofisiál kona-bá kontratasaun avansadu nian ba temporada ida, iha operasaun ida lahó kustu, tanba iha ona finál kontratu nian ho turku Galatasaray.

Kosta-marfinense fila fali ba uma ne'ebé uluk halo nia haksolok no projeta ona nia ba ribalta futeból mundiál, hafoin husik klube iha tinan 2012 hosi hakohak aventura ida iha xinés sira Shanghai Shenhua. Hafoin ne'e nia ba Galatasaray hodi joga futeból iha nível aas, ne'ebé tuir temporada rua.

Ho tinan 36 no hafoin iha époka ualu iha Stanford Bridge (entre 2004 no 2012), Drogba hatudu satisfeitu tanba fila fali ba "blues". "Hanesan desizaun ida fásil tebes. Ha'u labele rekuza oportunidade atu serbisu fali ho José [Mourinho]. Ema hotu hatene relasaun espesiál ne'ebé ha'u iha ho klube ne'e no ha'u senti nafatin iha uma. Ha'u ninia hakarak mana'an hanesan mós atu tulun ekipa ne'e. Ha'u haksolok tebes tanba hakohak fali kapítulu foun iha ha'u ninia kareira", nia hatete hafoin asina kontratu.

José Mourinho fó hanoin katak nia marka ona siklu ida ihs istória klube nian no hametin katak nia mai hosi kontinua dalan ne'e. "Ni amai tanba nia hanesan avansadu ida di'ak liu ne'ebé maka joga iha Europa. Ha'u hatene di'ak ninia personalidade no hatene katak, bainhira nia fila, nia la fila iha ninia istória nia lalatak iha klube ka ba buat ne'ebé nia halo iha klube antes. Nia to'o ho mentalidade atu halo tan istória", haktuir hosi treinadór, ne'ebé harre Drogba hanesan jogadór influente iha ekipa.

Ho Chelsea, Didier Drogba marka ona golu 157 iha jogu 341, sai nune'e hanesan markadór dahaat di'ak liu iha klube, hafoin Kerry Dixon (193), Frank Lampard (193) no inglés Bobby Tambling (202).

ho SAPO Desporto