Dupla Neymar/Suárez 'halakon' Villarreal no halo Barça sai lideransa
Bainhira Lionel Messi lajoga, Neymar, ho golu 10 no nia fó asisténsia neen iha prova hothotu, no Suárez, koko suta bola dala-sanulu ba rede no nia konsege atu hatama duni golu dala-tolu .
Foto: LLuis GENE/AFP
FC Barcelona izola, provizoriamente, iha lideransa futeból Liga espanhola nian, bainhira manán Villarreal ho 3-0, iha 11.ª jornada, hafoin iha loraik ida mak la bele haluha iha dupla Neymar/Suárez.
Brazileiru ne’e hatama golu ba dala uluk iha minutu 60 no taka konta iha minutu 85, ho golu ‘ouro mundo’ nian ida, iha ne’ebé nia pasa bola aas liu Jaume Costa, fó volta ida ho grau 360 ba nia-an rasik no manán sein husik bola monu. Haree de’it.
Iha minutu 70, uruguai-oan ne’ebé halo asisténsia ba ‘bis’ hosi avansadu ‘kanariñu’, maka marka tan golu daruak hosi ekipa catalã, ho penalidade, Jaume Costa halo falta hasoru Munir.
Bainhira Lionel Messi lajoga, Neymar, ho golu 10 no nia fó asisténsia neen iha prova hothotu, no Suárez, koko suta bola dala-sanulu ba rede no nia konsege atu hatama duni golu dala-tolu, hodi halo ‘Barca’ ne’ebé manán dala ualu iha jogu 10, ho de’it empata ida no lakon dala ida.
Iha Liga española, Neymar, hatama golu hafoin simu bola hosi Sergio Busquets, no ho golu ne’e maka halo Barca maka lidera Liga españól provizoriamente, ho golu 11, no Suárez maka tuir hosi kotuk ho golu sia.
Iha tabela, FC Barcelona iha pontu 27, kontra 24 hosi Real Madrid, ne’ebé dezloka ohin “reduto” Sevilha nian, molok iha ronda tuir mai hasoru catalães. Iha parte seluk, Villarreal kontinua ho pontu 20, iha kintu.
Iha dadeer, Athletic de Bilbau sa’e ba sétimu, bainhira hasoru no simu Espanyol ho pontu 2-1, ho “tento” hosi Iñaki Williams, iha minutu ualu, no Raúl Garcia, iha 64. Paraguaio Hernán Pérez marka ba ekipa bainaka, iha 51.
SAPO TL ho SAPO Desportu