Ekipa hosi atletas de elite 2015 Timor Telecom nian aprezenta ona ba públiku
Timor Telecom ohin aprezenta ona ninia ekipa foun atletas elite TT, ne’ebé tinan ida ne’e konta siklista nain haat, rua hosi modalidade BMX no rua seluk hosi MTB, aprezentasaun ne’e hala’o iha eskritóriu empreza nian.
Hosi parte karuk ba liman los: Sebastião Domingos Ximenes, Henrique Horta, David Espírito Santo Morais no Zefemia Santos Soares Babo.
Ho ámbitu hosi konsolidasaun ba ninia estratéjia hosi asosiasaun ba desportu Timor, no liu liu ba siklizmu, Timor Telecom (TT) ohin 10 marsu 2015 renova kontratu ho Federação de Ciclismo de Timor-Leste (FCTL) no aprezenta ekipa “Atletas Elite TT” hosi modalidade BMX , ne’ebé ho naran Zefemia Santos Soares Babo idade 19 no David Espírito Santo Morais idade 18, hosi modalidade MTB sira maka Sebastião Domingos Ximenes Belo idade18 no Henrique Horta ho idade 17.
TT hahú patrosíniu estratéjiku ida ne’e ba atleta sira iha 2013 ho objetivu atu konsolida ninia prezensa iha área desportu, além futeból.
Ho apoiu ida ne’e, Atletas Elite TT konsege alkansa klasifikasaun sira iha 2013, ne’ebé reprezenta primeiru lugar iha Internacional MTB Bali Biking iha Indonézia, iha Taça da Paz iha 2013, Campeonato Nacional 2013 no ho pozisaun ne’ebé di’ak iha ranking internasionál UCI iha MTB.
Iha tinan 2014 atividade sira ne’ebé partisipa maka hanesan: Tour do Vietname ne’ebé marka prezensa hosi siklista na’in haat, Campeonato Asiático de Road Bike iha Cazaquistão reprezenta ho siklista ida, Bali Biking Challenge iha Indonézia ho siklista neen, Jogos Asiáticos iha Coreia do Sul ho siklista rua, partisipasaun iha estájiu no Campeonato do Mundo de Track de Juniores iha Coreia do Sul ho siklista rua, Langkaw Internacional MTB Challenge iha Malázia ho siklista nain haat, Campeonatos Asiáticos de MTB iha Indonézia ho siklista rua, campeonatos Asiáticos de BMX iha Indonézia ho siklista rua iha Tour de Khatulistiwa iha Indonésia ho siklista haat.
Foto konferénsia imprensa
Foto: Samuel Soares @ SAPO Timor-Leste
Marka prezensa iha Konferénsia imprensa ne’e maka sekretáriu estadu juventude e desporto Leovigildo Hornai; prezidente federasaun siklizmu Timor-Leste Angelo Henriques ho membru balun hosi sekretaria de estado e desporto; Capitão Amaro, administrador delegado da Timor Telecom; diretor das relações institucionais da Timor Telecom, Manuel Cárceres.
SAPO TL