Ema barak maka ko’alia kona-ba Ronaldo relasiona ho Bola de Ouro
Tuir estudu foun haktuir katak ema barak maka ko’alia kona-ba jogadór portugés Cristiano Ronaldo duke kona-ba Lionel Messi nomós dala tolu barak liu fali Manuel Neuer.
Ronaldo hanesan finalista ida mós hosi finalista na’in tolu hosi Bola de Ouro, ne’ebé sei entrega iha Zurique, loron 12-janeiru. Foto: FRANCK FIFE / AFP
Karik, ema hotu desidi atu se maka lori Bola de Ouro 2014 fila ba uma, entaun prémiu refere entrega tiha ona. Tuir Cision ninia estudu, empreza kona-ba servisu no software peskiza, monitorizasaun no análize media, dehan katak ema barak maka ko’alia kona-ba Cristiano Ronaldo relasiona ho Bola de Ouro duke finalista na’in rua seluk, no informasaun ne’e bazeia ba konteúdu hosi notísia ne’ebé publika online.
Empreza refere haree ona artigu hamutuk milloens rua ne’ebé ko’alia kona-ba jogadór sira, maibé besik metade hosi artigu refere (artigu 973.407) halo referénsia ka ko’alia de’it kona-ba Ronaldo. Lionel Messi ho de’it artigu 766.914 no Manuel Neuer ho 287.272. Karik númeru refere maka naton ona, no haree ba valór: tuir informasaun Cision, potensiál hosi informasaun kona-ba Ronaldo avalia ho euros milloens 500. Marka “Lionel Messi” ho “de’it” milloens 417 no Neuer ho milloens 154.
Cision, ne’ebé lorloron halo análize ba site informasaun online rihun 85 iha mundu tomak, hala’o estudu ne’e ho baze hosi informasaun 2014 nian no ho totál artigu milloens 730.